ल्वाङ औषधीय गुणले भरिपूर्ण हुन्छ । यसको सेवनबाट धेरै किसिमको लाभ लिन सकिन्छ । ल्वाङ एन्टीब्याक्टेरियल, एन्टीभाइरल, एन्टीइन्फ्लामेटरी गुणले भरिपूर्ण हुन्छ । साथै यसमा आइरन, फाइबर, इजेनोलजस्ता शरीरलाई आवश्यक पर्ने तत्वहरु हुन्छन् ।
–खाली पेट ल्वाङको सेवन गर्नाले टाउको दुखेको समस्यामा राहत पाउन सकिन्छ । यसमा एनाल्जेसिक र एन्टी इन्फ्लामेटरी गुण हुने गर्दछ । यसको तेलले टाउकोको मसाज पनि गर्न सकिन्छ ।
–दुखेको र सुन्निएको अवस्थामा ल्वाङको सेवन गर्नाले राहत पाउन सकिन्छ ।
–ल्वाङमा हुने एन्टीमाइक्रोबियल तथा एन्टीफंगल गुणले पेट सम्बन्धी समस्यामा राहत दिलाउन मद्दत गर्दछ ।
–खाली पेट २ दाना ल्वाङ चबाउनाले दाँतको दुखाईमा राहत पाउन सकिन्छ । यसमा एन्टीब्याक्टेरीयल गुण हुने गर्दछ जसले दुखाई कम गर्न मद्दत गर्छ ।
–घाँटीको इन्फेक्सनमा खाली पेट ल्वाङ चपाउँदा राहत पाउन सकिन्छ । (साँघु साप्ताहिक, २०८० मंसिर १८)
