काठमाडाैं । अमेरिकी सहायक विदेशमन्त्री डोनाल्ड लु नेपाल भ्रमणबाट फर्केको एक सातापछि चिनियाँ नेता नेपाल भ्रमणमा आउन लागेकाे खबर छ । २०८० साउन ७ गते चिनियाँ कम्युनिष्ट पार्टीका पोलिटब्युरो सदस्य युआन जियान नेपाल भ्रमणमा आउन लागेका हुन् । उनी २०८० साउन ९ गते सम्म नेपालमा बस्नेछन् ।
भ्रमणको बेलामा नेपालका उच्चस्तरीय राजनीतिक भेटघाट गर्ने तय भएको खबर छ । उनी पोलिटव्युरो सदस्य भएपनि निकै शक्तिशाली र महासचिव सी चिनफिङका विश्वासपात्रको रुपमा हेरिन्छ ।
नेपालमा केही समययता निरन्तर अमेरिकीहरुको भ्रमण बढेको र सरकारी निर्णय प्रक्रिया पनि भारत र अमेरिकामुखी भएको बुझाइमा चीन रहेको कूटनीतिक स्राेतकाे भनाइ छ। छ ।
त्यसैले, चीनले पछिल्ला दिनमा निकै चासाे साथ हेर्दै काठमाडाैंमा आफ्नो उपस्थिति पनि बाक्लो बनाउने मनसायसहित काठमाडौंमा विशेष व्यक्ति पठाइरहेको छ । चिनियाँ कम्युनिष्ट पार्टीको विदेश विभागका सदस्यहरु पनि नेपालमा निरन्तर आइरहेका हुन्छन् । विभिन्न बहानामा नेपाल आउने उनीहरुले स्थानीयदेखि उच्चस्तरीय राजनीतिक भेटघाट गर्ने गरेका छन् ।
नेपालमा अमेरिकी सहायक मन्त्री लुको एकदिने भ्रमण के का लागि थियो भन्ने अहिलेसम्म खुलेको छैन । एमसीसी परियोजनाको प्रगति अवस्था बुझ्नलाई आएको भनिएपनि त्यसका लागि एससीसीको सिईओ एलिस अलब्राइट नै २०८० भदौमा आउने तयारीमा रहेकाे खबर छ।
चिनियाँ नेता युआन फर्केपछि अलब्राइटको भ्रमण हुन लागेको छ । त्यसैले, अमेरिकीहरु गुप्त योजनासहित नेपाल आउने गरेका कारण चिनियाँहरु पनि नेपाल भ्रमणलाई बाक्लो बनाउन थालेकाे टिप्पीणी कूटनीतिक क्षेत्रमा रहेकाे छ ।
