काठमाडौं , ८ साउन । कानून, न्याय तथा संसदीय मामिला मन्त्री शेरबहादुर तामाङले पदबाट राजीनामा दिएका छन । मन्त्रालयमा पत्रकार सम्मेलन आयोजना गरि तामाङले नैतिकताका आधारमा राजीनामा दिएको बताएका छन । तामाङ वंगलादेशमा डाक्टर अध्ययनरत महिलालाई लक्षित गरि हिंसामा पर्ने गरेको भनेपछि विवादमा तानिएका थिए ।
सिंहदरबारस्थित मन्त्रालयमा आज अपराह्न पत्रकार सम्मेलन गरी उनले बंगलादेशमा चिकित्सा शिक्षा पढ्न जाने नेपाली विद्यार्थीका सम्बन्धमा आफूले दिएको अभिव्यक्ति विवादित भएकाले नैतिकताका आधारमा प्रधानमन्त्री केपी शर्मा ओलीसमक्ष राजीनामा दिने घोषणा गरेका हुन् ।
आफ्नो चारमहीने कार्यकालको उपलब्धिबारे अवगत गराउँदै उनले आफू जहाँ रहे पनि सरकारको ‘समृद्ध नेपाल र सुखी नेपाली’को अभियानमा सहयोगी रहने बताए ।
राजीनामा दिने क्रममा तामाङ निकै भावुक हुदै आँसु झारेका थिए । आफ्नो राजीनामा आउने अवस्थामा आउनुमा राष्ट्रिय अन्तर्राष्ट्रिय शक्ति केन्द्रहरुको चलखेलसमेत रहेको दावी गरेका छन ।
