वीरगञ्ज । बिलविजक भन्दा बढी विभिन्न किसिमका औषधि तथा खुद्रा मालबस्तुहरू बोकेको ट्रक वीरगञ्जबाट रूपन्देहीतर्फ लैजाँदै गरेको छ भन्ने सूचना प्राप्त गरेर जिल्ला प्रहरी कार्यालय पर्साबाट खटिएको प्रहरी टोलीले मिति २०८०।०१।१५ गते पक्राउ गरेकाे छ ।
पर्सा जिल्ला वीरगञ्ज महानगरपालिका वडा नं.०८ घण्टाघरस्थित सडकखण्डबाट ना.४ ख ८७४० नम्बरको मालवाहक ट्रकलाई रोकी जाँच गर्ने क्रममा विलविजक भन्दा बढी मालबस्तुहरू लोड रहेको तथा सो विल बिजक शंकास्पद देखिएको हुँदा रू.६२,०८,५९३ ।
-(बैसठ्ठी लाख आठ हजार पाँच सय त्रियानब्बे) बराबरको ट्रक र सो ट्रकभित्र लोड रहेको औषधि तथा खुद्रा सामानहरूलाई नियन्त्रणमा लिएकाे हाे ।
मालवाहक ट्रकलाई थप अनुसन्धान तथा आवश्यक कारवाहीको लागि मिति २०८०।०१।१७ गते राजश्व अनुसन्धान कार्यालय पथलैया, बारामा बुझाइएको पर्सा प्रहरीले जानकारी दिएकाे छ ।
