काठमाडौं, जेठ ८ गते । गैरकानूूनीरुपमा नेपालीहरुलाई क्यासिनोमा प्रवेश गराई जुवा खेलाउने गरेको भन्ने गोप्य सूचनाको आधारमा महानगरीय अपराध महाशाखा टेकुबाट खटिएको विशेष टोलीले मिति २०७५ जेठ ७ गते उपत्यकामा संचालित सातवटा क्यासिनोमा छापा मार्दा दरबारमार्गस्थित क्यासिनो रोयलमा जुवा खेल्दै गर्दाको अबस्थामा परिचयपत्र साथमा नरहेको नेपाली भाषा बोल्ने सेते लामा र क्यासिनोका म्यानेजर बिश्व श्रेष्ठलाई पक्राउ गरेको छ । पक्राउ परेका व्यक्तिहरुलाई २०७५ जेठ ८ गते जुवा ऐन अनुसार कारबाहीका लागि महानगरी प्रहरी परिसर, टेकु पठाईएको महानगरीय अपराध महाशाखाले जनाएको छ ।
पक्राउ व्यक्तिहरुमा काठमाडौं महानगर–६, टुसाल बस्ने ६६ वर्षीय सोते लामा र काठमाडौं महानगर–१३, ताहाचल बस्ने ४५ वर्षीय
बिश्व श्रेष्ठ रहेका छन् ।
कानूनी सजायको व्यवस्था :
जुवा ऐन,२०२० अनुसार जुवा खेलेमा पहिलो पटकलाई रु.२००। जरिवाना, दोस्रो पटकलाई एक महिनासम्म कैद र तेस्रो पटकदेखिकालाई १ बर्षसम्म कैदको व्यबस्था रहेको छ । स्मरणीय छ, नेपालीलाई क्यासिनो प्रवेश निषेध गरिएको छ ।
2025-06-04-03-06-37-800x533.jpg)
