अहिले माइग्रेन रोग युवाहरूमा तीब्ररुपमा बढ्दै गइरहेको छ । हतारको जिन्दगी, ढिला सुत्ने बानी, बिहान ढिला उठ्ने बानी, अव्यवस्थित खानाको समय एवं बढी तनाव लिने युवाहरूमा माइग्रेन बढी देखिन थालेको हो । सावधान हुन सकिएन भने यो जीवनमा खतरा बन्न सक्छ । यदि समयमा नै विज्ञ तथा चिकित्सकस“ग सल्लाह लिन सकेमा यसलाई सामान्यरुपमा नै नियन्त्रण गर्न सकिन्छ । तर, यसबाट ठीक हुन केही समय लाग्न सक्छ । माइग्रेन रक्त वाहिनीहरूबाट रगत नर्भहरूमा फैलिनु र यसबाट निस्कने केही केमिकलका कारण हुन्छ । माइग्रेनको ४ वटा अवस्था हुन्छ ती प्रोडाम, आरा, हेडेक र पोस्ड्रोम हुन् । खास कुरा त के छ भने अहिले युवाहरू माइगे्रनबाट बढी प्रभावित भएको पाइन्छ । अहिले औषधिले माइग्रेन रोगबाट पूर्णरुपमा हुन सकिन्छ । यसको अलगअलग अवस्थाको आधारमा यसबाट पूर्णरुपमा निको हुन पनि अलगअलग समय नै लाग्दछ ।
माइग्रेनका लक्षणहरू
–आधा टाउको दुख्ने र विस्तारै बढ्दै जाने ।
–टाउको दुख्नुको साथसाथै बान्ता आउने ।
–टाउको को दुखाईको साथसाथै पखाला लाग्नु ।
–विस्तारै विस्तारै आखा धमिलो हु“दै जानु ।
–टाउको दुख्नुभन्दा पहिले शरीर आलस्य हुनु, धेरै निद्रा लाग्नु ।
माइग्रेनबाट बच्ने उपायहरू
–सुत्ने र उठ्ने समय निश्चित गर्ने प्रयास गर्ने । सकिन्छ भने राति छिटो र बिहान छिटो उठ्ने प्रयास गर्ने ।
–समयमा भोजन गर्नु । लामो समयसम्म ब्रत नबस्नु ।
–कफीयुक्त पदार्थ एवं चियाको सेवन एकदमै कम गर्ने ।
–धेरै उज्यालोबाट टाढा रहने ।
