काठमाडौं महानगरपालिका-१६ बालाजु बाईपासबाट स्रोत नखुलेको नगद ६९ लाख ९९ हजार रुपैयाँ सहित नुवाकोट ककनी गाउँपालिका-३ चाउथे घर भएका २९ वर्षीय नवराज ढुंगानालाई मंगलबार दिउँसो प्रहरीले पक्राउ गरेको छ ।
विशेष सूचनाको आधारमा महानगरीय प्रहरी कार्यालय रानीपोखरी र महानगरीय प्रहरी वृत्त बालाजुबाट खटिएको प्रहरीले उनलाई उक्त नगद सहित फेला पारी पक्राउ गरेको हो ।
बरामद रकम (दशी):-
१) नेपाली रु.१०००।- दरको ५,७३४ नोटको हुन आउने जम्मा रकम रु.५७,३४,०००।- (अक्षरेपी सन्ताउन्न लाख चौतीस हजार मात्र) ।
२) नेपाली रु.५००।- दरको २,५३० नोटको हुन आउने जम्मा रकम रु.१२,६५,०००।- (अक्षरेपी बाह्र लाख पैसठ्ठी हजार मात्र) ।
३) Feibang Laptop Back Pack लेखिएको कालो रंगको हाते झोला थान-१ ।
४) Tough लेखिएको कालो रङको साइड व्याग थान-१ ।
यस सम्बन्धमा प्रहरीले आवश्यक अनुसन्धान गरिरहेको बताएकाे छ ।
