सिंह जानकी फाइनान्सको महाप्रबन्धक बने

काठमाण्डौ,१३ फागुन ।  धनुषा, मोहत्तरी र सिरहा कार्य क्षेत्र भएको जानकी फाइनान्स लिमिटेडले नयाँ महाप्रबन्धक नियुक्त गरेको छ ।  जानकीका महाप्रबन्धक रामनृत्य शर्माले २०७४ फागुन ९ गतेबाट राजीनामा  दिएको र संचालक समितिको २४९ औं  बैठकले राजीनामा स्वीकृत गरेर रजनीश कुमार सिंहलाई २०७४ फागुन २ गतेबाट लागू हुनेगरी महाप्रबन्धकमा नियुक्त गरेको छ ।

 सिंहको  १२ वर्षदेखि सहयोगी विकास बैंकमा प्रमुख कार्यकारी अधिकृतको रुपमा काम गरेको अनुभव भएको बताइएको छ । ब्यवस्थापनमा स्नात्तकोत्तर गरेका सिंहले बैंक अफ काठमाडौंबाट बैंकिङ्ग  करियर सुरु गरेका थिए । बीओकेमा आठ वर्ष बिताएका सिंहको वित्तीय क्षेत्रमा २० वर्षको अनुभव हासिल गरेको  बताइएको छ ।