अष्ट्रेलियाद्वारा नेपाली सेनालाई COVID-19 स्वास्थ्य सामग्री सहयोग

काठमाडाैं ।  २०७८ ज्येष्ठ २२ गते मित्रराष्ट्र अष्ट्रेलियाका महामहिम राजदूत H.E Felicity Jane Volk बाट त्रिभुवन अन्तर्राष्ट्रिय विमानस्थलमा आयोजित एक कार्यक्रमका बीच नेपाली सेनाका  बलाधिकृत रथी प्रभुराम शर्मालाई नेपाली सेनाका स्वास्थ्यकर्मीहरुको सुरक्षार्थ आवश्यक पर्ने विभिन्न स्वास्थ्य सामाग्रीहरु हस्तान्तरण गरिएको छ ।

  उक्त हस्तान्तरण कार्यक्रममा बलाधिकृत रथी प्रभुराम शर्माले मित्रराष्ट्र अष्ट्रेलियाले गरेको सहयोगप्रति हार्दिक आभार तथा धन्यवाद दिएकाे नेपाली सेनाले जनाएकाे छ । कोभिड १९ को प्रतिकार्यका लागि नेपाली सेनाबाट तैनाथ गरिने स्वास्थ्यकर्मीहरुको सुरक्षार्थ आवश्यक पर्ने उक्त स्वास्थ्य सामग्रीहरु अष्ट्रेलियन एयर फोर्सको जहाज मार्फत जेठ २२ गते नेपाल ल्याईएको थियो ।