युवा नेता योगेश र गोकर्ण पनि माधवतिरै !?

काठमाडौं । नेकपा एमालेका नेताद्वय योगेश भट्टराई र गोकर्ण विष्टसहितको नाम राखेर नेकपा एमालेको माधव नेपाल पक्षीय स्थायी समिति सदस्यले संयुक्त विज्ञप्ति जारी गरेका छन् । 

भट्टराई र विष्टले माधव समूह छाडेर संस्थापन पक्ष रोजेको प्रचारका बीच नेपाल समूहले उनीहरूसहितको संयुक्त विज्ञप्ति जारी गरेको हो । 

विज्ञप्तिमा केपी शर्मा ओली पक्षले गरेको कारबाहीप्रति खेद प्रकट गर्दै उनीविरुद्ध एकजुट हुन आग्रह गरेको छ । 

ओली पक्षले २०७८ जेठ ११ गते  मंगलबार मात्रै पार्टी अनुशासनविपरीत गतिविधि गरेको आरोपमा माधव नेपाल, झलनाथ खनालसहित ११ नेतालाई पार्टीबाट निष्कासन र १२ जनालाई स्पष्टीकरण सोधेको छ ।