रूपन्देहीमा थप तीन कोरोना संक्रमितको मृत्यु

रूपन्देहीको कोरोना विशेष अस्पतालमा थप तीन जना कोरोना संक्रमितको बिहीबार बिहान मृत्यु भएको छ । 
 

बुटवलका दुई पुरुष र मायादेवी गाउँपालिकाकी एक महिलाको उपचारका क्रममा मृत्यु भएको हो । 

कोरोना विशेष अस्पतालका १५ कोरोना संक्रमितमध्ये तीन जनाको मृत्यु भएको अस्पतालले जनाएको छ । 

योसँगै रूपन्देहीमा कोरोनाबाट ज्यान गुमाउनेको संख्या १८४ पुगेको छ । 

रुपन्देहीमा कोरोना संक्रमितको ग्राफ बढ्न थालेको छ । अहिले यहाँ २ हजार ३ सय ९३ सक्रिय संक्रमित छन् ।