कलेजोमा समस्या भएमा पुरै शरीरलाई नै असर गर्दछ । कलेजो शरीरको महत्वपूर्ण अंगहरूमध्ये एक हो । त्यसैकारण पनि कलेजो स्वस्थ र मजबुत भएमा पूरा शरीर स्वस्थ रहन्छ । जानौं केही भोजनहरू जसले कलेजो स्वस्थ राख्न मद्दत गर्दछ ।
चुकन्दर (बिट रुट) : चुकन्दरमा मिनरल्स, एन्टीअक्सिडेन्ट तथा भिटामिनको मात्रा प्रशस्त रहन्छ । यसले पित्तलाई स्वस्थ बनाई शररीबाट विषाक्त पदार्थहरू बाहिर निकाल्न मद्दत गर्दछ । चुकन्दरलाई सलाद अथवा जुसको रुपमा खान सकिन्छ ।
गाजर : कलेजोको समस्याबाट राहत पाउन गाजर एकदमै फलदायी भोजन हो । यसमा भिटामिन ए लगायतका तत्वहरू रहन्छ । यसमा एन्टीअक्सिडेन्ट पनि रहन्छ । गाजरको सेवनले कलेजोमा संक्रमण हुनबाट बचाउँदछ । यसमा हुने बिटा क्यारोटिन तत्वले कलेजोको कार्यक्षमतालाई पनि राम्रो बनाउँदछ ।
लसुनको केस्रा : लसुनको एक केस्रा दैनिक खाने हो भने पेट र आन्तरिक पाचन प्रणाली राम्रो बनाउँदछ । यसले कलेजोमा हुने विषाक्त पदार्थलाई बाहिर निकाल्न मद्दत गर्दछ । यसका साथसाथै लसुनमा हुने एन्टीबायोटिक तथा एन्टीअक्सिडेन्ट गुणले कलेजो मजबुत र सफा बनाउन मद्दत गर्दछ ।
पालुड्डोको साग र कागती : कलेजो सफा राख्न पालु¨ोको साग पनि उत्तिकै फाइदाजनक छ । यो कलेजोका साथसाथै आँखाको लागि समेत फाइदाजनक छ । यसमा भिटामिन ए तथा ग्लुटेथिओल नामक एन्टीअक्सिडेन्ट हुने गर्दछ । कागतीसँग यसको प्रयोग गर्ने हो भने विषाक्त पदार्थलाई शरीरबाट बाहिर फाल्न मद्दत गर्दछ ।
