भोलिबाट उपत्यकाको निषेधाज्ञा खुकुलो, सार्वजनिक सवारी चल्ने  (निर्णयसहित)

काठमाडौं । भोलि २०७७ भदाै २५ गतेबाट काठमाडौं उपत्यका (काठमाडौं, ललितपु र भक्तपुर) को निषेधाज्ञा खुकुलो बनाइने भएको छ । 
 

उपत्यकाका प्रमुख जिल्ला अधिकारीले संयुक्त निर्णय गर्दै  भदाै २५ गते बिहीबारदेखि निषेधाज्ञा खुकुलो बनाउन लागेका हुन् । 

यद्यपि, उपत्यकाका जिल्ला प्रशासन कार्यालयले यसबारे औपचारिक निर्णय भने सार्वजनिक गरिसकेका छैनन् । 
 

स्रोतका अनुसार, सार्वजनिक र निजी दुवै सवारी सञ्चालन गर्न दिने तयारी भइरहेको छ । 
 

कोरोना भाइरसको संक्रमण उकालो लागेपछि ०७७ भदौ ३ गतेदेखि काठमाडौं उपत्यकामा निषेधाज्ञा जारी गरिएको थियो । १० पुनः थप गरेर १७ सम्म पुर्याइएको निषेधाज्ञा आज २४ गते राति १२ बजेबाट सकिँदैछ । त्यसअगावै उपत्यकाका प्रमुख जिल्ला अधिकारीहरूको छलफलले निषेधाज्ञा खुकुलो पार्ने तयारी गरेको हो ।