बनेपा, २० वैशाख । नेपाली काङ्ग्रेसका नेता डा शेखर कोइरालाले नेपाली काङ्ग्रेस तदर्थवादमा चल्न नसक्ने बताएका छन ।
नेपाल प्रेस युनियन काभ्रेपलाञ्चोक शाखाको शुक्रबार बनेपामा आयोजित छैटौँ जिल्ला अधिवेशन कार्यक्रममा उनले तदर्थवादमा चल्दा व्यक्ति बलियो भए पनि संस्था कमजोर हुँदै जाने बताए ।
नेता कोइरालाले विश्वभरि नै प्रेस स्वतन्त्रतामाथि खतरा आएको बताए । पत्रकारलाई विद्यतुीय कारोवार ऐन अन्तर्गत पक्राउ गरेर छोड्दा पनि पुनःअदालन परिसरभित्रै समातिनुले प्रेस स्वतन्त्रतामाथिको खतरा भएको उनकाे भनाइ थियो ।
युनियनका केन्द्रीय अध्यक्ष बद्री सिग्देलले ‘साइबर क्राइम’ को नाममा पत्रकारलाई थुनिनु दुखद् भएको उल्लेख गर्दै लोकतन्त्र र प्रेस स्वतन्त्रताको लागि युनियन निरन्तर आन्दोलनमा रहेको बताए । रासस
