काठमाडौं । राष्ट्र बैंकको गभर्नर नियुक्तिमा सरकारभन्दा बैंकर, उद्योगी र विचौलियाहरु हावी हुन थालेका छन् । उनीहरुले आफ्नो रुची अनुसारका पात्र बोकेर हिड्न थालेपछि सरकारसमेत समस्या पर्ने देखिएको छ । केन्द्रीय बैंकको चावी नै मारवाडी–विचौलियाको हातमा पुग्नेगरी अहिले छलफल अगाडि बढेका कारण अर्थ क्षेत्रमा निकै चासो र चिन्ताको विषय बनेको छ ।
विचौलियाहरु दीपक भट्टले राष्ट्र बैंककै डेपुटी गभर्नर मध्येबाट रोज्न खोजेको चर्चा छ । त्यसो गर्दा विवाद कम हुने भन्दै उसले नयाँ रणनीति अपनाएको अनुमान गरिएको छ ।
विचौलिया दीपक भट्टले आरजु र केपी ओली दुबै खुसी हुने भन्दै डेपुटी गभर्नर निलम ढुंगनालाई अगाडि सारेको स्रोतको दावी छ । यो समूहले पनि पहिला आफ्नै दाजु सुशील भट्टलाई गभर्नर बनाउन खोजेको थियो । लगानी बोर्डको सीईओसमेत चलाइसकेका भट्टलाई गभर्नर बनाउँदा आर्थिक क्षेत्र कब्जा गर्न सहज हुने भन्दै अभियान सुरु गरिएको थियो ।
महाप्रसाद अधिकारी पनि लगानी बोर्डबाट गभर्नर भएका कारण उक्त बाटो अपनाउन खोजिएको थियो । तर, दाजु भट्टलाई लैजाँदा झन समस्या पर्ने र विवाद धेरै हुने भएकाकोले गभर्नरका लागि बैंकभित्रै बाट खोजिएको चर्चा छ ।
स्रोतहरुका अनुसार, निलम ढुंगानाका लागि भने प्रधानमन्त्री केपी ओलीको जिल्लाबासीदेखि पूर्वको संगत अनि पहिलो महिला गभर्नर बनाउन सकिने भएको भावनात्मक कुरा गरेर असक्षम र राष्ट्र बैंकभित्रै विवादस्पद रहे पनि निलमको पक्षमा भट्ट लागेको चर्चा छ ।
पीएम ओलीले पहिलो महिला गभर्नर बनाउने गरी निर्णय लिन सक्ने चर्चा पनि भइरहेको छ । आउनेवित्तिकै महिलालाई मुख्यसचिव बनाएको उदाहरण दिँदै धेरैले उक्त अनुमान गरेका छन् । त्यसो भएमा भट्टहरु नै हावी भएको अर्थमा हेरिनेछ । तर, यस पटक गभर्नर डेमोक्र्याटले पाउने गरी सहमति भएकाले ढुंगानाले बाजी मार्ने सम्भावना कम रहेको स्रोत बताउछ ।
यता, अर्का ढुंगानालाई भने कांग्रेसको केही नेताहरुले साथ दिंदादिंदै आउट भएका छन् । कांग्रेस सांसद तथा उद्योगपति विनोद चौधरीको साथमा ज्ञानेन्द्र ढुंगाना गभर्नरका लागि दौडमा लागेका थिए । विनोद चौधरीले आफ्नो बैंकको सीईओबाट राजीनामा गराएर अहिले दौडमा खटाएको भए पनि ढुंगाना चर्को विवादमा परेपछि रिङ्ग आउट भएको खबर छ ।
चौधरीले आरजु राणासहितको एउटा टीमलाई भने मनाइसकेको चर्चा थियो । तर, एमालेले भने उक्त प्रक्रियामा सहमत देखिएको थिएन । सोहीकारणले गर्दा ज्ञानेन्द ढुंगानाको सन्दर्भ अन्त्य भएको खबर छ ?
ज्ञानेन्द्र ढुंगाना गभर्नरको प्रतिस्पर्धाबाट रि¨ आउट भएपछि ‘आरजु भाउजु’ र दीपक भट्टले आर्थिक क्षेत्रमा कतै कसैले नाम समेत नसुनेको अर्को पात्र प्रस्तुत गरेको खबर छ । खबर अनुसार, बिचौलिया दीपक भट्ट र मारवाडी समूहले केही व्यवसायिक घराना र प्रतिष्ठानको सहयोग लिएर अहिले राजेन्द्रकिशोर क्षेत्रीलाई गभर्नर बनाउनुपर्ने भन्दै ठूलो सहयोग रकम संकलन गरिरहेको एक औद्योगिक घरानाका प्रतिनिधिले जानकारी दिए ।
‘दीपकजीहरुले राजेन्द्र क्षेत्रीलाई गभर्नर बनाउनुपर्ने भयो र त्यसका लागि विभिन्न शक्तिकेन्द्रहरुलाई रिझाउन भन्दै हामीसँग पनि सहयोग माग्नुभएको थियो । हामी अनुकूल मान्छे गभर्नरको रुपमा आउने हो भने ठिकै हो भनेर हामीले पनि सहयोग गरेका छौं ।’ ती उद्योगीले भने–‘धितोपत्र बोर्ड, बीमा प्राधिकरणजस्तै नेपाल राष्ट्र बैंकको गभर्नरमा समेत बिचौलियाहरु नै हावी भएको अवस्था छ । (साँघु साप्ताहिक, २०८१ चैत १८)
2025-04-03-08-04-48.jpeg)
2025-03-15-08-03-23.jpeg)
प्रतिकृया दिनुहोस