काठमाडाैं, २१ चैत । अमेरिकी राजनीतिमा नयाँ इतिहास रच्दै डेमोक्रेटिक सिनेटर कोरी बुकरले २५ घण्टाभन्दा बढी भाषण दिएर ६८ वर्ष पुरानो कीर्तिमान तोडेका छन् ।

 यो ऐतिहासिक उपलब्धिपछि उनको चर्चा विश्वभर भइरहेको छ । बुकरको भाषण सामान्य थिएन ।

आउनुहोस् हामी तपाईंलाई बुकरको बारेमा बताउने छाैं ः

खासमा ५५ वर्षीय कोरी बुकरको जन्म वाशिंगटन, डीसीमा भएको थियो तर पछि उनी न्यू जर्सीमा सरेका हुन । उनी कालो परिवारबाट आएका थिए र बाल्यकालमा जातीय भेदभावको सामना गर्नु परेकाे थियाे । येल ल स्कूल र स्ट्यानफोर्ड विश्वविद्यालयबाट शिक्षा प्राप्त गरे पछि उनले गरिबहरूलाई कानुनी सहायता प्रदान गर्ने वकिलको रूपमा काम गर्न सुरू गरे ।

फेसबुकका संस्थापक मार्क जुकरबर्गले न्यूयोर्कका सार्वजनिक विद्यालयलाई १० करोड डलर सहयोग गरे पछि कोरी बुकरले राष्ट्रिय ब्यक्तित्वकाे मान्यता पाएका हुन । यो घटनाले उनलाई डेमोक्रेटिक पार्टीको उदाउँदो तारा बनायो ।

२०१३ मा वर्तमान सिनेटर फ्रान्क लाउटेन बर्गको मृत्यु पछि बुकरलाई अमेरिकी सिनेटको लागि मनोनयन गरिएको थियो । विशेष चुनावमा सिनेटमा निर्वाचित भएका हुन् । त्यसपछि उनले २०१४ मा पूर्ण समय कार्यकाल जिते र २०२० मा पुनः निर्वाचित भएका थिए। अहिले उनले ६८ वर्ष पुरानो कीर्तिमान तोडेका छन, जुन यसअघि दक्षिण क्यारोलिनाका पूर्व सिनेटर स्टर्म थर्मन्डले राखेका थिए । १९५७ मा स्टर्म थर्मन्डले नागरिक अधिकार कानूनको विरोधमा लगभग २४ घण्टा बोलेर रेकर्ड बनाएका थिए ।

तर अब कोरी बुकरले यो कीर्तिमानलाई पछाडि छाडेका छन ।  र, २५ घण्टाभन्दा बढी भाषण दिएर उनले अमेरिकी राजनीतिमा नयाँ इतिहास रचेका छन ।