काठमाडौं, १६ माघ : संसदको विकास तथा प्राविधिक समितिले निर्देशन दिए अनुसार भोलि अर्थात् माघ १७ बाट एनटीभी एचडी प्रणालीमा रुपान्तरण हुँदैछ ।
संसदीय समितिको यो निर्देशन अनुरुप एनटीभीभित्रको पचासौं करोडको अनियमित खरिदले वैधानिकता पाउने स्थिति देखिएको छ । खरिद ऐन मिचेर बिना टेण्डर १० वर्षको लागि थाइकमकाे स्याटेलाइट भाडामा लिएर प्रधानमन्त्रीलार्इ उद्घाटन गराएर ढाकछोप गर्ने प्रयास भइराखेको एनटीभी स्राेत बताउछ । प्रधानमन्त्री केपी शर्मा ओलीले विवादास्पद, अपुरो र अधुरो एचडीको उद्घाटन गर्न लागेको समाचार बाहिरिएको छ ।
अहिलेसम्म एचडी प्रसारणका लागि भनेर २ करोड ६० लाखमा खरिद गरिएको एउटै क्यामेरा समेत नआएको स्राेत बताउछ । यो सरासर एचडीको बाहनामा सर्वसाधारण दर्शकलाई मूर्ख बनाउन काम भइरहेको एनटीभीा पत्छरकार चर्चा गर्छन् । उता स्टुडियोभित्रको हालत पनि बेहाल नै रहेकाे स्राेत बताउछ, उपकरण फेरबदल गर्ने काम निश्चित समयमा नै सकिनेमा अन्योल छ ।
बेथितीको कुरा गर्ने हो भने एनटीभी खोले मात्रै पनि पुग्छ । कहिले प्रसारण रोकिने, कहिले भिडियो नदेखाउने र आवाज नै नआउनेजस्ता समस्याले पीडित छ एनटीभी । यस्तो भद्रगोल र समस्याकाबीच संसदीय समितिको आड लिएर प्रधानमन्त्रीलाई एचडी प्रसारणको शुभारम्भमा प्रमुख अतिथि बनाउनु कति उचित हाे ? एनटीभीकै पत्रकारहरूले प्रश्न गर्दैछन् ।
2023-03-11-09-03-42-800x533.jpeg)
