काठमाडौं, ३ पुष : सरकारले काठमाडौं उपत्यकाका अत्यावश्यक क्षेत्रमा ट्राफिक लाइट राख्ने भएको छ ।
विभागका प्रवक्ता मुक्ति गौतमले पहिलो चरणमा अत्यावश्यक स्थानमा बत्ति जडान गर्ने काम थालिएको जानकारी दिए । विभागका अनुसार, पुतलीसडक, मित्रपार्क, गौशाला, पुरानो बानेश्वर, कालीमाटीलगायतका ८ स्थानमा बत्ति जडान गर्ने काम भइरहेको छ ।
अत्याधुनिक प्रविधिसहितको (इन्टिलिजेन्स ट्राफिक लाइट) का विषयमा समेत छलफल भइरहेको विभागले जनाएको छ । सडक विभागको प्रतिवेदनमा उपत्यकाको १ सय ३९ स्थानमा ट्राफिक लाइट राख्नुपर्ने उल्लेख छ ।
विभागले प्रक्रियागत रुपमा आवश्यकता हेरेर ट्राफिक लाइट जडान गरिने बताएको छ । प्रहरीका अनुसार उपत्यकाका २० स्थानमा ट्राफिक लाइट जडान गरिएको छ । (रासस)
