लन्डन, १४ पुस । बेलायतको वेस्टमिन्स्टर म्याजिस्ट्रेट अदालतले लण्डनका एक व्यक्तिलाई कतारकी राजकुमारीलाई पिछा गरेको र उत्पीडन गरेको अभियोगमा सजाय सुनाएको छ ।
यसरी लन्डन अदालतबाट सजाय पाउनेमा ४७ वर्षीय अबुसलह हुन्, जो यसअघि राजकुमारीको सवारी चालकको रूपमा कार्यरत रहेका थिए । ड्राइभरमाथि अनावश्यक रूपमा राजकुमारीलाई पिछा गरेको आरोप लगाइएको थियो ।
जसलाई इहाद अबुसलहले स्वीकार गरेका छन तर अदालतमा उनको दावी यो छ कि राजकुमारी र उनी बिच गहिरो प्रेम सबन्ध रहेको छ । जसका कारण प्रेमका लागि नै उनले राजकुमारीको पिछा गरेका हुन् । ‘मलाई लाग्छ कि राजकुमारीले पनि मलाई माया गर्छिन् र हामी दुबै रोमान्टिक सम्बन्धमा छौं,’ अदालत सामु बयानमा उनले भने ।
तर, अबुसलहका वकिलले अदालतलाई भने कि उनी मानसिक रूपमा बिरामी थिए र यही गलतफहमीका कारण उनले आफ्नी श्रीमतीसँग सम्बन्ध विच्छेद गर्नु परेको थियो । भूतपूर्व ड्राइभर इहाद अबुसलहले गत मार्च २०२४ मा राजकुमारीलाई निकै पछ्याउने मात्रै काम गरेनन, राजकुमारीलाइ उपहार र पैसाहरू पनि पठाउन सुरू गरे । समाचार अनुसार ती भूतपूर्व ड्राइभरले राजकुमारीको जन्मदिनमा ब्रासलेट र फूलहरू पठाएका थिए र उनलाई बारम्बार फोन गरेर हैरान गर्ने काम गरिरहेका थिए ।
अहिले यो भनिएको छ, भूतपूर्व ड्राइभर अबुसलहलाई राजकुमारीले पनि माया गर्छिन् र उनीहरुबीच रोमान्टिक सम्बन्ध रहेको छ भन्ने उनको गलत धारणा बिकास भएको छ । किनकी, श्रीमतीसँग सबन्ध बिच्छेद गरे पछि उनी थप मानसिक रूपमा बिक्षिप्त रहेका छन ।
राजकुमारीका वकिलले अदालतलाई भने कि अबुसलहको यो गलत हर्कत र कार्यले धेरै समस्यामा पारिरहेको छ। उनी राजकुमारीको निवास वरिपरि देखिने र कर्मचारीमार्फत राजकुमारीलाइ उपहार पठाएर हैरान गरिरहेका छन, जो रोक्ने प्रयास गर्दा पनि ती भूतपूर्व ड्राइभरले मानिरहेका छैनन । जसका कारण राजकुमारीले आफ्नो र आफ्नो परिवारको सुरक्षाको बारेमा निकै चिन्ता गरिररहेकी छिन, मुख्यतयाः उनका भूतपूर्व ड्राइभरवाट हैरान छिन् ।
साथै, अबुसलहका वकिलले पनि उनी मानसिक रूपमा बिरामी भएको तर्क गरेका छन्, जसका कारण उनले राजकुमारीसँगको सम्बन्धलाई लिएर गलतफहमी बढेको भन्दै उनले आफ्नी श्रीमतीसँग सम्बन्ध विच्छेदसमेत गरेको अदालतमा जानकारी गराएका थिए । र, बयानका आधारमा अदालतले अबु सलाहलाई दोषी ठहर गरेको हो ।
उनलाई १२ महिनाको सामुदायिक आदेशसँगै ३० दिनको पुनर्वास गतिविधिमा भाग लिन आदेश दिइएको छ । साथै अदालतले कम्तीमा तीन वर्षको प्रतिबन्ध आदेश जारी गरियो, जसमा अबुसलहलाई राजकुमारी र उनको परिवारसँग सम्पर्क गर्न र उनीहरूको घरको वरिपरि घुम्न प्रतिबन्ध लगाइएको छ ।
