३ भाद्र २०८२, तानसेन गुठी तथा नेपाल एकेडेमी अफ फाइन आर्ट्स (नाफा) को संयुक्त तत्वाधानमा तानसेनको फोटो तथा चित्रकलाको प्रदर्शनीको उद्घाटन गर्दै नेपाल ललित कला प्रज्ञा–प्रतिष्ठानका कुलपति नारदमणि हार्तम्छालीले ३–९ भाद्रसम्म बालमन्दिर नक्सालमा सम्पन्न हुने प्रदर्शनीको समुद्घाटन गर्नुभयो । तानसेन गुठीले यस्ता प्रदर्शनीमा तानसेन–पाल्पाको डर र पीडा बोकेको फोटो तथा तस्बिरसँगै “कल्चर नर्चर हुने” किसिमका तस्बिर र पर्यटनसँग सम्बन्धित कार्यसमेत गर्नुपर्ने र यस्तो कार्यमा सहकार्य गर्न आफ्नो संस्था सदा तयार रहेको बताएको छ ।
उद्देश्य यस प्रदर्शनीको उद्देश्य तानसेनको इतिहास, संस्कृति, कला, धर्म, वास्तुकला र पर्यटन सम्भावनाहरूको प्रवर्धन गर्दै तानसेनलाई मध्ययुगीन शहर बजारको रूपमा ब्रान्डिङ गर्नु रहेको छ । कार्यक्रमले कलाकारहरूको सृजनशीलता प्रस्तुत गर्नुका साथै सांस्कृतिक सम्पदाको जगेर्ना, पर्यटन प्रवर्धन र स्थानीय अर्थतन्त्र सुदृढीकरणमा योगदान पुग्ने अपेक्षा गरिएको छ ।
प्रदर्शनी सामग्री
यस प्रदर्शनीमा ८ जना चित्रकारद्वारा तयार गरिएका ४७ वटा चित्रकला र १२ जना फोटोग्राफरबाट प्राप्त २८ वटा तस्बिरहरूका साथै विभिन्न व्यक्तिहरू तथा अन्य स्रोतहरूबाट संकलित ४२ वटा पुराना तस्बिर गरी जम्मा ७० वटा तस्बिर प्रदर्शनमा राखिएका छन् ।
उपस्थिति
तानसेन गुठीका अध्यक्ष प्रमि श्रेष्ठको अध्यक्षतामा भएको सो समारोहमा तानसेन गुठीका सल्लाहकार बनमाली प्रसाद लाकौल, पदाधिकारी, पूर्व अध्यक्षहरू र कला–प्रेमीहरूको उल्लेख्य उपस्थिति रहेको थियो ।
एकेडेमीका पूर्व कुलपति के.के. कर्माचार्य, विज्ञ सल्लाहकार हरिबस किरात, मनिष गोपाल सिंह – संयोजक, प्रा. डा. सावित्री कक्षपति मल्ल, पर्यटन बोर्डका प्रतिनिधि सदस्यहरूले समेत आ–आफ्नो मन्तव्य र उपस्थिति जनाएका थिए ।
स्मरण र योगदान
सो अवसरमा बसन्तपुरका हरि हितङ्गा, सुन्दर श्रेष्ठ, टक्सारका गंगा दाइको अमूल्य र अग्रगामी इतिहास स्मरण गरिएको थियो । साथै, असोक मान, डी. राम आदिको नाम र उनीहरूले पुर्याएको अतुलनीय योगदानको समेत उल्लेख गरिएको थियो । पिस कोर भोलन्टियर ले आजभन्दा करिब छ दशक अगाडि खिचेको रंगीन तस्बिर अहिले पनि उत्तिकै आकर्षक र मनमोहक देखिएको छ ।
स्वागत
कार्यक्रममा स्वागत मन्तव्य राख्दै तानसेन गुठीका पूर्व अध्यक्ष तथा कार्यक्रम उद्घोषिका शान्ता शाक्यले तानसेन गुठी, यसको क्रियाकलाप र फोटो तथा चित्रकला प्रदर्शनीका बारेमा प्रकाश पार्नुभएको थियो ।
.jpg)
तानसेन गुठीले यस्ता प्रदर्शनीमा तानसेन–पाल्पाको डर र पीडा बोकेको फोटो तथा तस्बिरसँगै “कल्चर नर्चर हुने” किसिमका तस्बिर र पर्यटनसँग सम्बन्धित कार्यसमेत गर्नुपर्ने र यस्तो कार्यमा सहकार्य गर्न आफ्नो संस्था सदा तयार रहेको बताएको छ ।.jpg)
यस प्रदर्शनीको उद्देश्य तानसेनको इतिहास, संस्कृति, कला, धर्म, वास्तुकला र पर्यटन सम्भावनाहरूको प्रवर्धन गर्दै तानसेनलाई मध्ययुगीन शहर बजारको रूपमा ब्रान्डिङ गर्नु रहेको छ । कार्यक्रमले कलाकारहरूको सृजनशीलता प्रस्तुत गर्नुका साथै सांस्कृतिक सम्पदाको जगेर्ना, पर्यटन प्रवर्धन र स्थानीय अर्थतन्त्र सुदृढीकरणमा योगदान पुग्ने अपेक्षा गरिएको छ ।.jpg)
प्रतिकृया दिनुहोस