अडेन, १० पुस । विश्व स्वास्थ्य संगठन (डब्लुएचओ) का अनुसार विश्वभरमा हैजाबाट सबैभन्दा बढी यमन प्रभावित हुन पुगेको छ । 

डब्लुएचओले हालै सार्बजनिक गरेको एक तथ्यांक अुनसार डिसेम्बर १, २०२४ सम्म यमनमा २ लाख ४९ हजार ९०० जना यमनीमा हैजाका संदिग्ध हमला भएको र सो क्रममा ८ सय ६१ जनाको मृत्यु भएको छ ।

डब्लुएचओले पछिल्लो तथ्याङ्कले नोभेम्बर २०२४ मा रिपोर्ट गरिएका घटना र मृत्युको संख्या २०२३ को सोही अवधिको तुलनामा क्रमशः ३७ र २७ प्रतिशतले वृद्धि भएको उल्लेख गर्दै वर्षैपिच्छे उल्लेख्य वृद्धि भएको देखाएको छ । बितेका एक महिनामा नै करिब ४० प्रतिशत बिरामी बढेका छन । 

यमनको डब्ल्यूएचओ प्रतिनिधि र मिसन प्रमुख आर्टुरो पेसिगनले भने, ‘हैजा र तीव्र पानीको पखाला जस्ता पानीजन्य रोगहरूको प्रकोपले पहिले नै धेरै रोगहरूको प्रकोप सामना गरिरहेको अवस्थामा यसले यमनी जनताको थप स्वास्थ्य प्रणालीमा थप भार बढाएको छ ।’ सुरक्षित पिउने पानीको अभाव, अपर्याप्त सरसफाइ र समयमै चिकित्सा उपचारको कमजोर पहुँचले संकटलाई बढाएको पेसिगनले बताए ।

समाचार एजेन्सी सिन्ह्वाका अनुसार डब्ल्यूएचओका अनुसार यमनमा वर्षौंदेखि हैजाको संक्रमण भइरहेको छ । २०१७र २०१२ को बीचमा पनि हैजाको प्रकोप बढेको थियो । प्रयासहरूको बावजुद बिग्रँदै गएको मानवीय अवस्थाका साथै स्वास्थ्य सेवाहरूमा सीमित पहुँचले २०१४ को अन्तदेखि लामो द्वन्द्वमा फसेको युद्धग्रस्त अरब देशमा रोगको पुनरुत्थानले थप संकट बढाएको छ । 

हैजा भनेको विब्रियो कोलेरा  नामक ब्याक्टेरियाका केही प्रकारहरूद्वारा सानो आन्द्रामा हुने ब्याक्टेरिया संक्रमण हो, जसले गम्भीर पखाला निम्त्याउँछ र उपचार नगर्दा घातक हुन सक्छ ।