काभ्रे, शनिबार, १९ असोज । अविरल वर्षापछि बाढीपहिरोले क्षतविक्षत बनाएको भुम्लुको दोलालघाट-हबेली-सापिङ-सिम्थली सडकखण्ड आजबाट सुचारु भएको छ । २०८१ असोज १२ गतेको बर्षादले सडकखण्डको विभिन्न ठाउँमा पहिरो खसेर सडक अवरुद्ध भएको थियो।
केही दिन यता सबै वडाका अध्यक्षहरु सडक खुलाउनको लागि लागिपरेका थिए । दुई दिनदेखिको निरन्तर प्रयासपछि आज असाेज १९ गते शनिवारबाट सडक सुचारु गर्न सफल भएको भुम्लु गाउँपालिका वडा नम्बर २ का वडा सदस्य बिनय भण्डारीले जानकारी दिए।
सदस्य भण्डारीको अनुसार वडा अध्यक्ष सुजन भण्डारीसहितको टिम अहिले पनि सडक मर्मतमै खटिरहेका छन् ।
प्रतिकृया दिनुहोस