काठमाडौं, चैत ५ गते । सशस्त्र प्रहरी बल नेपालका महानिरीक्षक (आईजी) राजु अर्यालले नेपाल प्रहरीका नवनियुक्त प्रहरी महानिरीक्षक (आईजीपी) दीपक थापालाई बधाई तथा सफल कार्यकालको शुभकामना व्यक्त गरेका छन्।
महानिरीक्षक अर्यालले आईजीपी थापालाई नेपाल प्रहरीको सर्वोच्च पदमा नियुक्त भएकोमा बधाई दिँदै सुरक्षा व्यवस्थाको सुदृढीकरण तथा संस्थागत सुधारका लागि सफल कार्यकालको शुभेच्छा व्यक्त गरेका हुन्।
नेपाल प्रहरीका वरिष्ठ अधिकारीका रूपमा लामो अनुभव हासिल गरेका थापाले नेतृत्व सम्हालेपछि प्रहरी संगठनलाई थप प्रभावकारी बनाउने विश्वास गरिएको छ। सशस्त्र प्रहरी प्रमुख अर्यालले सुरक्षा निकायहरूबीच आपसी सहकार्य र समन्वयलाई अझ मजबुत बनाउन एकसाथ काम गर्ने प्रतिबद्धता पनि व्यक्त गरेका छन्।
नेपाल प्रहरीका पूर्व आईजीपी वसन्त कुँवरको अवकाशपछि २०८१ चैत ४ गतेकाे सरकारको निर्णयअनुसार प्रहरी महानिरीक्षकमा दीपक थापा नियुक्त भएका हुन्।
-(1)2025-03-18-12-03-47.jpeg)
प्रतिकृया दिनुहोस