मोरङ, धनपालथान। चैत ५ गते । मोरङ जिल्लाको धनपालथान गाउँपालिका–६, कर्सिया क्षेत्रका स्थानीयहरू विद्युत सर्ट भएर लागेको भीषण आगलागीका कारण आतङ्कित बनेका थिए। आगो नियन्त्रण बाहिर जाने खतरा बढेपछि नेपाली सेनाको भैरव गणबाट खटिएको टोलीले तत्काल हस्तक्षेप गरी आगो नियन्त्रणमा लिन महत्वपूर्ण भूमिका खेलेको छ। आगलागीबाट १ जनाको मृ' त्यु भएको र १२ वटा घर जलेर नष्ट भएको अपुष्ट खबर छ ।
स्थानीयका अनुसार, आगलागी २०८१ चैत ५ गते मंगलबार बिहान अचानक विद्युत सर्टका कारण भएको हो। आगो तीव्र रूपमा फैलिन थालेपछि स्थानीयबासीहरूले सुरक्षाकर्मीलाई खबर गरेका थिए। सूचना पाएलगत्तै भैरव गणबाट खटिएको टोली घटनास्थलमा पुगेको थियो।
सैनिक टोलीले दमकल र स्थानीयबासीको सहयोगमा आगो नियन्त्रण गर्न सफल भएको छ। घटनामा कुनै मानवीय क्षति नभए पनि, आगलागीका कारण केही भौतिक संरचना नष्ट भएको बताइएको छ। आगलागीका कारण भएका क्षतिको पूर्ण विवरण संकलन गर्ने काम भइरहेको छ।
यस घटनाले विद्युत सुरक्षामा ध्यान दिनुपर्ने आवश्यकता पुनः उजागर गरेको छ। स्थानीय प्रशासनले आगलागी रोकथामका लागि सचेतनामूलक अभियान सञ्चालन गर्ने तयारी गरिरहेको जनाएको छ।
प्रतिकृया दिनुहोस