पाँचथर, पुस २१ गते – जनता समाजवादी पार्टी (जसपा) नेपालसम्बद्ध समाजवादी महिला संघको पाँचथर जिल्ला समितिको अधिवेशन पुस २१ गते आइतबार फिदिमस्थित अजिमा होटलको सभाहलमा सम्पन्न भएको छ।
यस अधिवेशनबाट ३४ सदस्यीय नयाँ समिति निर्वाचित भएको छ, जसको अध्यक्षमा रेखा लावती चयन भएकी छिन्।
समितिको उपाध्यक्षमा सीता लावती र कविता नेम्बाङ, सचिवमा रोजा जवेगु, सहसचिवमा लक्ष्मी नेम्बाङ र कोषाध्यक्षमा विनिता इधिङ्गो चयन भएका छन्। यस नयाँ समितिको नाम उद्घोषणा पार्टीको केन्द्रीय सदस्य र निर्वाचन मण्डलका संयोजक ओममाया आङ्देम्बेले गरेकी थिइन्।
अधिवेशनका दौरान नवनिर्वाचित पदाधिकारी र सदस्यह
रूलाई पद तथा गोपनियताको शपथ पनि आइतबार नै गराइएको जानकारी दिइएको छ।
पाँचथर जिल्लामा पार्टीका उपाध्यक्ष कमल नेम्बाङले यस सफल अधिवेशनको बारेमा जानकारी दिँदै यसले समाजवादी महिला संघको संगठनलाई सशक्त बनाउनेमा विश्वास व्यक्त गरे।
प्रतिकृया दिनुहोस