काठमाडौं । नेपाली कांग्रेसको समर्थनमा  बनेको केपी ओली नेतृत्वको सरकारले  हरेक क्षेत्रको राजनीतिक नियुक्तिमा बिचौलिया, उद्योगी व्यवसायीहरूको प्रस्ताव र प्याकेजमा ’डिल गरेर’ नियुक्ति गर्ने गरेको स्पष्ट देखिने गरेको छ ।

बीमा,  सेबोन, स्टक एक्स्चेन्ज होस् कि नेपाल विद्युत प्राधिकरणको प्रमुखको नियुक्ति होस्   बिचौलियाहरूको प्रस्ताव अनुसार नियुक्ति हुने गरेको  छ

। 
विभिन्न निकाय र क्षेत्रका प्रमुखहरूको नियुक्तिमा खास खास बिचौलियाहरू नै निर्णायक  हुने गरेका छन् । यी बिचौलियाहरूले सत्तारूढ दलका नेता र सरकारलाई प्रभावमा पारेर  आफू अनुकूलका व्यक्तिहरू प्रस्ताव गर्ने र सरकारले पनि  तिनै व्यक्तिहरूलाई  नियुक्ति दिने गरेको  पाइन्छ । 

 बीमा,  सेबोन, स्टक एक्स्चेन्जलगायत वित्तीय निकायहरूमा आफ्ना मानिसहरूको नियुक्ति गराउन केही मारवाडी  र  बिचौलिया सफल भएपछि अब नेपाल राष्ट्र बैंकको रिक्त गभर्नर पदमा समेत ’’आफ्नै प्यादा’’लाई नियुक्ति गराएर समग्र अर्थतन्त्र नै आफ्नो कब्जामा लिन लागेका छन् । 

२०८१ साल चैत ११ गते साँझबाट आर्थिक क्षेत्रमा  चलेको चर्चा अनुसार, नेपाल राष्ट्र बैंकको गभर्नर बन्न २८ करोडको डिल भएको बुझिन्छ । आर्थिक क्षेत्रमा सफल, 

 विज्ञ, निष्कलंक व्यक्ति बाहेक बैकिङ्ग क्षेत्रमै असफल र  कुनै उद्योगी, व्यवसायीले बोकेका व्यक्ति  नेपाल राष्ट्र बैंकको गभर्नर बन्यो भने आश्चर्य नहुने अर्थ मन्त्रालय सम्बद्ध  व्यक्तिहरू बताउछन् । 

यसक्रममा दशकौंदेखि निजी क्षेत्रको सेवामा समर्पित रहँदै आएका विवादस्पद व्यक्ति  ज्ञानेन्द्र ढुंगानालाई वित्तीय माफियाले आफ्नो उम्मेदवार प्रस्ताव गरेका  छन् ।

नबिल बैंकको सिइओ ज्ञानेन्द्र ढुंगानाले विवादस्पद व्यक्ति दुर्गा प्रसाइलाई अर्ब रूपैयाँ भन्दा बढी रकम ऋण लगानी गरेर एन बी बैंक डुबाएका थिए । एन बी बैंक डुबाएका मात्रै होइन विनोद चौधरीको डिजाइनमा नबिल बैंकमा मर्ज गराउने  काम पनि गरेका थिए ।

यही गुन तिर्न विनोद चौधरीले पर्राष्ट्र मन्त्री आरजु राणामार्फत ज्ञानेन्द्र ढुंगानालाई भावी गभर्नरमा प्रस्ताव गरेपछि ढुंगानाले नविल बैंकको सिइओबाट राजीनामा समेत दिएको चर्चा छ ।