काठमाडौं । नेपाल कम्युनिस्ट पार्टी (माओवादी केन्द्र) निकट प्रेस सेन्टरको महाधिवेशन पुनः सार्ने रणनीतिमा अध्यक्ष विष्णुप्रसाद सापकोटा ‘जुगल’ रहेको आरोप उनका निकट स्रोतले लगाएका छन् ।
स्रोतका अनुसार, पार्टी अध्यक्ष पुष्पकमल दाहाल ‘प्रचण्ड’ ले कमल गिरीलाई प्रेस सेन्टरको अध्यक्ष बनाउन निर्देशन दिएपछि जुगलले आफ्नो पदावधि लम्ब्याउने उद्देश्यले महाधिवेशन सार्ने योजना बनाएका हुन् ।
एक वर्षअघि तय गरिएको २०८१ माघ १५ गतेको महाधिवेशन स्थगित गर्दै आगामी २०८१चैत १६ र १७ गते गर्ने निर्णय गरिए पनि अब फेरि त्यसलाई सार्ने षड्यन्त्र भइरहेको प्रेस सेन्टरकै एक पदाधिकारीले साँघु न्यूज डकमलाई जानकारी दिए ।
नेपाल पत्रकार महासंघका पूर्वअध्यक्ष विपुल पोखरेल नेतृत्वको असफल कार्यकालसँग तुलना गर्दै ती पदाधिकारीले जुगल पनि सोही पथमा रहेको बताए । उनका अनुसार कमल गिरीसँग निर्वाचनमा पराजित हुने निश्चित भएपछि जुगलले महाधिवेशन सार्ने चालबाजी गरिरहेकाे आराेप प्रेस सेन्टरका पत्रकारहरूकाे रहेकाे छ ।
"अब कुनै बहानामा महाधिवेशन पुनः सारियो भने जुगललाई राजीनामा दिन बाध्य पारिनेछ," ती पदाधिकारीले चेतावनी समेत दिए ।
2025-03-12-11-03-53.jpeg)
2025-03-12-11-03-14.jpeg)
प्रतिकृया दिनुहोस