रौतहट २३ चैत । रौतहटको सदरमुकाम गौरस्थित सशस्त्र प्रहरीको टोलीले नेपाली ५ लाख अबैध रुपैयाँसहित एकजना भारतीय नागरिकलाई पक्राउ गरेको छ ।
सीमावर्ती भारतीय बजार बैरगनियाबाट गौरतर्फ आउँदै गरेको भारतीय नम्बरको मोटरसाइकललाई सशस्त्र प्रहरीले चेकजाँचको क्रममा श्रोत नखुलेको ५ लाख नेपाली रुपैयाँसहित एकजना भारतीय नागरिक पक्राउ गरेको हो ।
पक्राउ पर्नेमा मोटरसाइकल चालक भारत बिहार जिल्ला सितामढी बैरगनिया–१४ पटेल चोकका १८ वर्षीय मोहित कुमार पटेल रहेको सशस्त्र प्रहरी बल नम्बर ११ हेक्वा रौतहटका प्रमुख एसपी सन्तोष बस्नेतले बताएका छन् ।
गौर नगरपालिका १ कानुपट्टी सीमा इलाकामा बिआर ०५ जे १३२७ नम्बरको मोटरसाइकल रुपैयाँसहित शुक्रबार साँझ पक्राउ परेका भारतीय नागरिक पटेललाई आवश्यक कारवाहीको लागि जिल्ला भन्सार कार्यालय गौरमा बुझाइएको सशस्त्र प्रहरीको सूचनामा उल्लेख गरिएको छ ।
2025-04-05-07-04-30.jpeg)
प्रतिकृया दिनुहोस