काठमाडौं । उप–प्रधान एवं अर्थमन्त्री विष्णुप्रसाद पौडेलको संयोजकत्वमा नेपाल राष्ट्र बैंककाे १८औं गभर्नर सिफारिस समिति गठन भएको पनि लामाे समय भइसक्याे । सिफारिस समितिमा पूर्व गभर्नर विजयनाथ भट्टराई र अर्थविद डा. विश्व पौडेल सदस्य रहेका छन । उक्त समितिले निर्धारित समयमा भावी गभर्नरका लागि तीन जनाको नाम सिफारिस गर्न नसकेको भन्दै आलोचना खेप्दै आएको छ ।
समितिले डेपुटी गभर्नरहरु निलम तिम्सिना ढुंगाना, बम बहादुर मिश्रमध्ये एकजनालाई सिफारिस गर्नैपर्ने कानूनी बाध्यता रहेको छ ।
यीबाहेक हाल चर्चामा रहेका राष्ट्र बैंकका संचालक समितिका सदस्य, माैद्रिकविद्, निष्कलंक व्यक्तित्व डा. रविन्द्र पाण्डे, नेपाल राष्ट्र बैंककै कार्यकारी निर्देशक रहेका डा. प्रकाश श्रेष्ठ(हाल राजीनामा) र आर्थिक क्षेत्रकाे कुनै पनि अनुभव नभएका र बिचाैलिया र मारवाडी समुदायले बाेकेका राजेन्द्र किशोर क्षेत्री र डेपुटी गभर्नरहरु निलम तिम्सिना ढुंगाना र बम बहादुर मिश्रमध्ये एकजना सिफारिस पर्ने चर्चा छ । तर, अर्थमन्त्री संयोजक रहेको गभर्नर समितिले समयमा नाम सिफारिस गर्न नसक्नुको प्रमुख कारण भने बिचौलियाहरूको बढी चलखेल र दवावले काम गरेको अर्थमा लिइएको छ ।
नेपाली काँग्रेसका सांसदसमेत रहेका उद्योगपति विनोद चौधरीले ज्ञानेन्द्र ढुंगानालाई गभर्नर बनाउन लबिङ गरिरहेका थिए ।
बिचौलिया दीपक भट्ट र पर्राष्ट्र मन्त्री आरजु राणा देउवाको रोजाईंमा भने आर्थिक क्षेत्र भन्दा बाहिरका क्षेत्री परेकाे चर्चा छ ।
आर्थिक क्षेत्रका विज्ञ, माैद्रिकविद्, डा. रविन्द्र पाण्डे, नेपाल राष्ट्र बैंकका कार्यकारी निर्देशक रहेका डा. प्रकाश श्रेष्ठ गभर्नरका बलिया दावेदार मानिएका छन् । त्यस्तै, डेपुटी गभर्नर निलम पनि सशक्त दावेदार मानिएकी छिन ।
माथि उल्लेखित नाममध्ये जो गभर्नर नियुक्ति भएपनि आफूलाई वाइपास गर्न नसक्ने दावी बिचौलिया भट्टले साथीभाइहरुका बिचमा बताउने गरेको स्रोत बताउँछ ।
उ
उता, प्रधानमन्त्री केपी शर्मा ओलीको निर्वाचन क्षेत्र झापा दमकबाट २०४१ सालमा एसएलसी उत्तीर्ण गरेकी, दमक क्याम्पसबाट आईकम, महेन्द्र मोरङ क्याम्पस विराटनगरबाट विकम र डिग्री क्याम्पस विराटनगरबाट एमबीए, अष्ट्रेलियाबाट एमपीए, र भारतबाट विद्यावारिधि गरेकी राष्ट्र बैंकभित्रै विवादस्पद बनेकी निलम ढुंगाना आफू पहिलो महिला डेपुटी गभर्नर नियुक्त हुनसक्ने दावी गरिरहेकी छिन ।
सत्तारुढ प्रमुख नेपाली काँग्रेस र नेकपा एमालेका बिचमा गभर्नर नियुक्तिको विषयलाई लिएर सहमति जुट्न नसकेको खण्डमा अन्तिम अवस्थामा उनले नै पहिलो महिला गभर्नर बन्ने ऐतिहासिक अवसर पाउने सम्भावना रहेको चर्चा पनि छ ।
प्रधानमन्त्री ओली बैंककबाट २०८१ चैत २३ गते शनिवार नेपाल फर्केपछि २०८१ चैत २४ गते आइतवार भावी गभर्नरका लागि तीनजनाको नाम सिफारिस हुने अनुमान गरिएको छ । संभवत चैत २५ गते सोमवार बस्ने मन्त्रिपरिषद बैठकले सिफारिस नाममध्ये एकजनालाई १८औं गभर्नर नियुक्ति गर्नेछ ।
गभर्नर पद कांग्रेसकाे भागमा परेमा एमालेले निर्वाचन आयाेगकाे प्रमुख आयुक्त पाउने सहमति हुने चर्चा पनि भइरहेकाे छ । एमालेकाे भागमा गभर्नर पद नपरेमा निर्वाचन आयाेगकाे प्रमुख आयुक्तकाे एमालेकाे भागमा पर्ने छ । विश्वस्त सूत्रका अनुसार, यस पटक गभर्नर पद कांग्रेसकाे भागमा पर्ने सम्भावना बढी रहेकाे छ ।
प्रतिकृया दिनुहोस