काठमाडौं, २०८१ माघ १४ गते – आफ्नो स्वास्थ्य ठिक भएकाले प्रधानमन्त्री केपी शर्मा ओली आज माघ १४ गतेदेखि औपचारिक कार्यक्रमहरूमा सहभागी हुने प्रधनमन्त्री निवास बालुवाटारले जानकारी दिएकाे छ।
यसैक्रममा, आज माघ १४ गते दिउँसो १ बजे सूर्यविनायक नगरपालिकाको प्रशासकीय भवनको उद्घाटन समारोहमा प्रधानमन्त्री ओली सहभागी हुनेछन्। यो कार्यक्रम सूर्यविनायक नगरपालिका, कटुञ्जे, भक्तपुरमा आयोजना हुँदैछ।
प्रधानमन्त्री ओलीको स्वास्थ्य पुनः ठिक भएपछि यस उद्घाटन कार्यक्रममा सहभागी हुने निर्णय गरिएको हो। यस अवसरमा नगरपालिकाका स्थानीय अधिकारीहरू, विभिन्न राजनीतिक दलका प्रतिनिधि र अन्य मान्यजनहरूको उपस्थिति रहने अपेक्षा गरिएको छ।
कार्यक्रमको लागि सबै तयारीहरू पूरा भएका छन् र यस उद्घाटन समारोहमा सूर्यविनायक नगरपालिकाका विकास योजनाहरू र आगामी योजना पनि प्रस्तुत गरिने बताइएको छ।
प्रतिकृया दिनुहोस