काठमाडौं, माघ १४ गते : नेपाली सेनाका प्रधान सेनापति महारथी अशोक राज सिग्देलले २०८१ माघ १४ गते बर्दिवासस्थित मध्य पूर्वी पृतना हेडक्वाटरको निरीक्षण भ्रमण गरेका छन् ।

भ्रमणको क्रममा उनले पृतनाको जिम्मेवारी क्षेत्रको वस्तुस्थिति, सैन्य तयारी र विविध पक्षहरूको बारेमा जानकारी लिएर आवश्यक निर्देशन प्रदान गरेका छन् ।

प्रधान सेनापतिले पृतनामा रहेका विभिन्न सैन्य गतिविधिहरू र त्यहाँका सुरक्षासम्बन्धी योजनाबारे विस्तृत जानकारी लिएका थिए। यसै क्रममा, उनले सिन्धुलीगढी इलाकामा सञ्चालन भइरहेको कमाण्ड तहको Field Training Exercise (FTX) अभ्यास ‘रक्षा-४’ को बारेमा समेत जानकारी लिए। यस अभ्यासले सेनाको संचालन क्षमतालाई बढावा दिने, युद्धक गतिविधिहरूको तयारी र समन्वय सुदृढ पार्ने उद्देश्य राखेको छ।

प्रधान सेनापतिले भ्रमणको क्रममा सेनाका उच्च अधिकारीहरूको साथमा उपस्थित भइ सेनाको तयारी र सैन्य अभ्यासहरूको अवस्था मूल्याङ्कन गर्दै, सैनिकहरूको कार्यसम्पादन र सुरक्षा व्यवस्थामा थप सुधार गर्नका लागि आवश्यक निर्देशन दिएका थिए । यस भ्रमणले नेपाली सेनाको सैन्य तयारीलाई थप सशक्त बनाउन र राष्ट्रिय सुरक्षा सुनिश्चित गर्न महत्त्वपूर्ण कदमका रूपमा लिइएको छ।

मध्य पूर्वी पृतनाको निरीक्षण भ्रमणका क्रममा प्रधान सेनापतिले सेनाका अन्य योजनाहरूको प्रगति, सैनिकहरूको मनोबल र तिनीहरूको प्रशिक्षण व्यवस्थापनमा विशेष ध्यान दिएको जनाइएको छ। यस भ्रमणले नेपाली सेनाको समग्र तयारी र क्षमता सुनिश्चित गर्ने महत्त्वपूर्ण कार्यलाई थप मजबुत बनाएको बताइएकाे छ।