खराब जीवनशैली र खानपानले हाम्रो शरीरमा प्रत्यक्ष असर गरिरहेको छ । यही कारणले गर्दा मानिसहरूको शरीरमा भिटामिन बी–१२ जस्ता पोषक तत्वहरूको कमी हुन्छ । पछिल्लो समय भिटामिन बी–१२ को कमी एक सामान्य समस्या बन्दै गइरहेको छ । भिटामिन बी–१२ शरीरको लागि महत्वपूर्ण पोषक तत्व हो । यसले स्नायु प्रणालीलाई स्वस्थ राख्न, ऊर्जा बढाउन र रातो रक्त कोशिकाहरूको निर्माणमा महत्वपूर्ण भूमिका खेल्छ । 

शरीरमा भिटामिन बी–१२ को कमीले थकान, कमजोरी, ध्यान केन्द्रित गर्न कठिनाई र मुड स्विङ जस्ता समस्याहरू निम्त्याउन सक्छ । यो कमीलाई केही स्वस्थ र प्राकृतिक उपायहरूद्वारा पूरा गर्न सकिन्छ । जानौं भिटामिन बी–१२ प्राप्त गर्न सकिने यी तीन जुसहरु :

 
चुकन्दर र गाजरको रस : भिटामिन बी–१२ को कमीलाई हटाउन चुकन्दर, अनार र गाजरको जुस धेरै फाइदाजनक हुन्छ । चुकन्दरमा आइरन, फोलेट र भिटामिन बी–१२ जस्ता पोषक तत्वहरू हुन्छन्, जसले शरीरमा हेमोग्लोबिनको स्तर बढाउन मद्दत गर्दछ । गाजरमा पाइने एन्टिअक्सिडेन्ट र भिटामिन ए ले प्रतिरक्षा प्रणालीलाई बलियो बनाउँछ । यो जुस बनाउनको लागि एउटा चुकन्दर र ३ वटा गाजर मिसाउनुपर्दछ । यसलाई बिहान पिउन सकिन्छ । यो जुसले भिटामिन बी–१२ को कमीलाई मात्र पूरा गर्दैन, यसले छालालाई पनि सुधार गर्नेछ र शरीरमा ऊर्जा स्तर पनि बढाउँछ ।

हरियो सब्जी र नरिवल पानीको रस : हरियो तरकारीको रस नरिवलको पानीमा मिसाएर पिउनाले शरीरलाई आवश्यक पोषक तत्वहरू प्राप्त हुन्छ । पालुङ्गो, बन्दा जस्ता हरियो तरकारीहरू फाइबर, फोलेट र भिटामिन बी–१२ को राम्रो स्रोत हुन् । नरिवल पानीले शरीरमा इलेक्ट्रोलाइट्सको सन्तुलन कायम राख्छ र शरीरमा पानीको मात्रालाई पूर्ति गर्दछ । यो जुस बनाउनको लागि एक कप हरियो तरकारी र त्यसमा आधा गिलास नरिवल पानी मिसाउनुपर्दछ । यसलाई दैनिक पिउनाले शरीरले आवश्यक पोषण प्राप्त गर्दछ र यसले भिटामिन बी–१२ को कमीलाई पूरा गर्न मद्दत गर्दछ । 

हरियो स्याउ र काँक्रोको जुस : भिटामिन बी–१२ को कमीलाई पूरा गर्ने अर्को विकल्प हरियो स्याउ र काँक्रोको रस हो । हरियो स्याउ भिटामिन सी र बी–१२ को राम्रो स्रोत हो । यसले शरीरलाई विषाक्त पदार्थबाट मुक्त गर्न मद्दत गर्छ । काँक्रोमा पानीको मात्रा धेरै हुन्छ, जसले शरीरलाई हाइड्रेटेड राख्न र पाचन प्रणालीलाई स्वस्थ राख्न मद्दत गर्छ । यो जुस बनाउनको लागि एउटा हरियो स्याउ र आधा काँक्रो मिसाउनुपर्दछ । यसमा कागतीको रस मिसाएर स्वादिष्ट बनाउन सकिन्छ । यो जुसले ताजा महसुस गराउने मात्र नभई तपाईंको स्वास्थ्यमा पनि सुधार ल्याउन मद्दत गर्दछ । 

शरीरमा भिटामिन बी–१२ को कमी भएमा यी प्राकृतिक जुसहरू अवश्य सेवन गर्नुपर्दछ । यसले स्वास्थ्यमा सुधार ल्याउने मात्र ल्याउँदैन, शरीरलाई आवश्यक पर्ने सबै पोषक तत्वहरू पनि प्रदान गर्दछ । यसका साथै स्वस्थ रहन स्वस्थ जीवनशैली अपनाउन र नियमित व्यायाम गर्न आवश्यक छ । (साँघु साप्ताहिक, २०८१ माघ ७)