काठमाडौं । राष्ट्रिय परीक्षा बोर्डका अध्यक्ष महाश्रम शर्माले उदेश्यका साथ अगाडि बढे मात्र हरेक काम पुरा गर्न सकिने बताएका छन् ।
शनिबार राष्ट्रिय निजी तथा आवासीय विद्यालय एसोसिएसन नेपालको २७ औँ स्थापना दिवसको अवसरमा उनले समाज र आम नागरिकले हामीलाई कसरी बुझेको छ त्यो कुरा सबैभन्दा महत्वपूर्ण रहने बताएका हुन् ।
उनले भने, ‘हाम्रो उदेश्यलाई पुरा गर्ने गरी हिड्यौं भने हरेक कुराहरु सम्भव छ । निस्वार्थ हिसावले र हाम्रो उदेश्यलाई क्लियर गरेर हिड्यौं भने हाम्रो जीवनमा आउने समस्याहरु समाधान हुन्छन् । समस्या त आउँछन् नआउने होइन, एउटा कमिटमेन्टका साथ अगाडि बढ्यौं भने हरेक कुराहरु पुरा गर्न सकिन्छ । हामीले उदेश्य कस्तो लिएका छौं त्यसमा भर पर्छ । हामीले आफ्नो व्यक्तिगत स्वार्थ, समाजको स्वार्थ, अर्थात हाम्रो दृश्टिकोणलाई कसरी व्यवस्थापन गरेका छौं, समाजले, आम नागरिकले हामीलाई कसरी बुझेको छ त्यो कुरा सबैभन्दा महत्वपूर्ण कुरा हो ।’
यसैगरी उनले बीना अनुसन्धान शिक्षा नचल्ने बताए । उनले कतिपय निशुल्क शिक्षाभित्र राज्यले दिनुपर्ने सेवासुविधा प्रष्ट हुनुपर्ने बताए ।
प्रतिकृया दिनुहोस