आइसी–लेस–मौलिनेक्स, फ्रान्स, १ मङ्सिर (रासस/एएफपी) : फ्रान्सको राजधानी पेरिसको बाहिरी इलाकामा रहेको आफ्नो बुबाको रेष्टुरेन्टमा शनिबार एक व्यक्तिले चक्कु देखाएर केही कर्मचारीलाई बन्धक बनाएका छन् ।

रेष्टुरेन्ट फ्रान्सको राजधानी पेरिसको चक्रपथभन्दा निकै टाढा रहेको दक्षिणपश्चिमी उपनगरमा रहेको इस्सी–लेस–मौलिनेक्स सहरमा अवस्थित छ । प्रहरी स्रोतले एएफपीलाई दिएको जानकारीअनुसार ती व्यक्तिले ‘तीन वा चार जना कर्मचारी’ राखेका थिए तर बन्धक बनाइएका व्यक्ति कर्मचारीबाहेक ग्राहक वा अन्य सर्वसाधारणनरहेको बताइएको छ । 

प्रहरीले कार्यक्रमस्थलको चारैतिर सुरक्षा घेरा बनाएको छ । स्रोतका अनुसार ती व्यक्तिले स्थानीय समयअनुसार दिउँसो १ बजेभन्दा केही समयअघि आफूलाई रेस्टुरेन्टमा थुनेका थिए । एक मध्यस्थलाई घटनास्थलमा पठाइएको थियो ।

प्रहरीको स्थानीय कार्यालयले सामाजिक सञ्जाल एक्समा लेखेको छ, “उद्धारका लागि हस्तक्षेप जारी छ । सुरक्षा र आपतकालीन सेवाहरूलाई आफ्नो काम गर्न दिनुहोस् ।”
---