अछाम । २०८२ चैत २० गते अछामको मंगलसेन नगरपालिका–५ निवासी ६२ वर्षीय एक पुरुषको स्वास्थ्य अवस्था जटिल बनेपछि नेपाली सेनाले आकस्मिक हवाई उद्धार गरेको छ।
गम्भीर बिरामी परेका उनलाई तत्काल थप उपचारको आवश्यकता परेपछि नेपाली सेनाको हेलिकप्टरमार्फत अछामबाट नेपालगञ्ज लगिएको हो। दुर्गम क्षेत्रमा स्वास्थ्य सेवा पहुँच सीमित रहेका कारण समयमै उपचार सुनिश्चित गर्न हवाई उद्धार गरिएको बताइएको छ।
उक्त उद्धार कार्यले जीवनरक्षाका लागि नेपाली सेनाको भूमिका पुनः महत्वपूर्ण रूपमा देखिएको स्थानीयले बताएका छन्।
