मिर्गौला शरीरको प्रमुख अंग हो, जसले शरीरमा रहेको खराब चिजलाई फिल्टर गरेर बाहिर निकाल्छ । तर केही खराब बानीका कारण मिर्गौलाको इन्फेक्सनको समस्या हुनसक्छ । मिर्गौलामा इन्फेक्सन भएको अवस्थामा विभिन्न संकेतहरु शरीरले पाउन सक्छ ।
– मिर्गौलाको इन्फेक्सन भएको अवस्थामा पिसाबमा गन्ध आउन थाल्छ । विषाणुहरु पिसाब नलीमा पसेपछि ठूलो संख्यामा वृद्ध भई पिसाबमा गन्ध आउन थाल्छ ।
– मिर्गौलाको इन्फेक्सन भएको अवस्थामा छिटोछिटो पिसाब लाग्न थाल्दछ । पिसाब थैली खुम्चिन गई पिसाब बढी लाग्ने हुनसक्छ ।
–मिर्गौला इन्फेक्सन भएको अवस्थामा मिर्गौलाको वरिपरि सुन्निने र ढाड दुखाई हुने समस्या हुनसक्छ ।
– मिर्गौलाको इन्फेक्सन भएको अवस्थामा पिसाब पोल्ने समस्या पनि देखिन थाल्छ ।
– मिर्गौलामा इन्फेक्सन भएको अवस्थामा पिसाबको रंग रातो हुनपनि सक्छ । पिसाबमार्फत रगत मिसिएर आउने कारणले त्यस्तो हुनसक्छ । साथसाथै निजी अंगहरुमा पनि दुखाई हुन थाल्दछ ।
त्यसैले यस्ता लक्षणहरु स्वास्थ्यमा देखिएमा तुरुन्त चिकित्सकसँग सल्लाह लिनुपर्दछ । (साँघु साप्ताहिक, २०८० चैत २६)
प्रतिकृया दिनुहोस