• मंगलबार-फाल्गुण-२२-२०८०

जब नेदरल्याण्डकी २७ बर्षिया युवतीले 'इच्छामृत्यु' रोजिन, पुरै देश भयो भावुक

नेदरल्याण्ड, १९ माघ । नेदरल्याण्डकी २८ वर्षीया लरेन होभले इच्छामृत्यु रोजेपछि सबै चकित र भावुक भएका छन ।

 

यद्यपि, उनको मृत्यु हुनु अघि लरेनले धेरै हदसम्म स्थितिलाई उजागर गरेकी थिइन्। उनी लामो समयदेखि गम्भीर रोगसँग लड्दै थिइन् । यो रोगको नाम मायलजिक एन्सेफेलोमाइलाइटिस हो। यसलाई क्रोनिक थकान सिन्ड्रोम पनि भनिन्छ। लरेनलाई सन् २०१९ मा उनको गम्भीर रोगको बारेमा थाहा भयो।

 

मायलजिक एन्सेफेलोमाइलाइटिस के हो ?
 

मायलजिक एन्सेफेलोमाइलाइटिस वा क्रोनिक थकान सिन्ड्रोम हो, जुन रोग लागे पछि रोगी सधैं थकान महसुस गर्छ। अवस्था यस्तो हुन्छ कि उसले आफ्नो दैनिक काम पनि पूरा गर्न सक्दैन। बिरामीलाई सधैं ओछ्यानमा सुतेको महसुस हुन्छ। लगातार आराम गर्दा पनि बिरामीले थकानबाट मुक्ति पाउँदैन ।

 

लरेनले २७ जनवरीमा इच्छामृत्यु रोजिन 

 

लरेनले अन्ततः जनवरी २७ जनवरी २०२४ मा आफ्नो शरीर छाडेकी थिइन ।  उनले आफ्नो परिवार र आफ्ना असल साथीहरूको उपस्थितिमा अन्तिम सास लिएकी थिइन । उनको मृत्यु अघि २७ जनवरीको दिन लगभग ३ः४३  बजे लरेनले एक अनुभव साझा गरेर बिदा भएकी थिइन ।


उनले लेखेकी छन्,  ‘यो मेरो जीवनको अन्तिम ट्विट हुनेछ । माया दिनु भएकोमा सबैलाई धन्यवाद। म अलि बढी आराम गरेर आफ्ना प्रियजनहरूसँग बस्न जाँदैछु। मबाट अन्तिम मेमको मजा लिनुहोस्।’

 

सन २०२३ मा उपचारको क्रममा लरेनले यस रोगको गम्भीरताको बारेमा आरटिएल समाचारसँग विशेष कुराकानी गरेकी थिइन्। उनले भनेका थिइन,  ‘मलाई लागेको थकानलाई स्वस्थ मानिसको थकानसँग तुलना गर्न सकिँदैन । यो निद्रा र आराम भन्दा कम छैन। कहिले काँही यति बढ्छ कि नजिकै राखेको पानीको गिलास पनि उठाउन सक्दिन ।

 

इच्छामृत्युबारे के भनिन् लरेनले ?

 

लरेनले अन्ततः किन इच्छामृत्युलाई अँगालेकी थिइन् भन्ने कुरा पनि बताइन्। उनले भनिन,  ‘मेरो रोग दिनप्रतिदिन बढ्दै गएको छ । मलाई थाहा छ त्यहाँ केहि बिरामीहरू छन्, जसको अवस्था मेरो भन्दा खराब छ। उनीहरु एक्लै आफ्नो विचारसँग लडिरहेका छन् ।

 

म यो पीडा मेरो लागि चाहन्न। मलाई यो रोग पहिले नै असहनीय लाग्यो। मेरो लागि इच्छामृत्यु भनेको म आफ्नै लागि दया मागेको जस्तो हो। म आफूलाई त्यो शान्ति दिन चाहन्छु।

प्रतिकृया दिनुहोस