पोखरा । अवैध लागू औषध बेच्दै गर्दा बागलुङको गल्कोटबाट तीन जना पक्राउ परेका छन् ।
इलाका प्रहरी कार्यालय गलकोट बागलुङबाट प्रहरी निरीक्षक देवराज काफ्ले समेतको प्रहरी टोलीले गलकोट नगरपालिका वडा नं. ८ थालेपोखरा स्थित गैराडाँडाबाट तीन जना पक्राउ परेका हुन् ।
पक्राउ परेकाहरुमा गलकोट नगरपालिका वडा नं. ८ थालेपोखरा बस्ने वर्ष ५१ को ओम बहादुर कामी, सोही ठाउँका वर्ष ३७ को गुन्ज बहादुर वि.क. र वर्ष २६ को कृष्ण वि.क. रहेको जिल्ला प्रहरी कार्यालय बागलुङका सूचना अधिकारी डीएसपी बिजय यादबले जानकारी दिए । उनीहरुलाई अबैध लागू औषध गाँजा किनबेच गरिरहेको अवस्थामा पक्राउ गरिएको प्रहरीको दाबी छ ।
उनीहरुको साथबाट अबिश लागू औषध गाँजा एक किलो चार सय ३६ ग्राम बरामद भएको पनि डीएसपी यादबले बताए । पक्राउ परेका तीनै जनाविरुद्ध बागलुङ जिल्ला अदालतबाट लागूऔषधसम्बन्धी कसुर मुद्दामा पाँच दिनको म्याद थप अनुमती लिई थप अनुसन्धान कार्य भईरहेको प्रहरीले जनाएको छ ।
2025-01-22-11-01-28.jpeg)
प्रतिकृया दिनुहोस