भारतको नयाँ दिल्लीमा आयोजित पहिलो खो-खो विश्व कप २०२५ मा नेपाली महिला र पुरुष खो-खो टीमले इतिहास रच्दै रजत पदक जितेका छन्। नेपालका त्रिभुवन आर्मी क्लवका ८/८ खेलाडीहरूको सहभागिता रहेको यस प्रतियोगितामा नेपाली टोलीले उत्कृष्ट प्रदर्शन गरेको थियो। प्रथम याे खो-खो विश्व कप २०२५ भारतको नयाँ दिल्लीमा १७ जनवरी २०२५ देखि सुरू भएर १९ जनवरी २०२५ सम्म सम्पन्न भएको थियो।
महिला टोलीले फाइनलमा प्रतिस्पर्धा गर्दै भारतसँग प्रतिस्पर्धा गर्दा कठिन चुनौतीको सामना गरिरहेको थियो। यो कठिन परिश्रम र रणनीतिक खेलको परिणामस्वरूप नेपालले दोस्रो स्थान हासिल गर्यो र रजत पदक जित्न सफल भयो।
नेपालको महिला टोलीकी सदस्य र नेपाली सेनाकी खिलाड़ी मानमति धामीले महिला फाइनलमा उत्कृष्ट बचाउ प्रदर्शन गर्दै Best Defender को अवार्ड जित्न सफल भएकी छिन्। उनका बचाउहरूले नेपाललाई भारतसँगको कडा प्रतिस्पर्धामा मजबुत बनायो र उनको व्यक्तिगत उपलब्धि नेपाली खो-खो खेलको इतिहासमा अविस्मरणीय बन्यो।
पुरुष टोलीले पनि आफ्नो उत्कृष्ट खेल प्रस्तुत गर्दै फाइनलमा भारतीय टीमसँग प्रतिस्पर्धा गर्दै रजत पदक जित्न सफल भयो। नेपालको पुरुष टोलीले भारतको सामर्थ्यसँग जुध्दै उत्कृष्ट टिमवर्क र समर्पणका साथ खेल खेलेको थियो।
यस प्रतियोगिताले नेपालका खो-खो खेलाडीहरूको क्षमता र प्रतिस्पर्धात्मकता प्रदर्शित गर्यो, र नेपालले विश्व खो-खो खेलमा आफ्नो स्थिति मजबुत बनाएको छ।
खो-खो विश्व कपको यो पहिलो संस्करण नेपाली खेलकुदको लागि गर्वको अवसर बनेको छ। यसबाट नेपाली खो-खो खेलको प्रतिष्ठा अझ बढ्नेछ र भविष्यमा यो खेलमा नेपालले अझ धेरै सफलता प्राप्त गर्ने आशा गरिएको छ।
खो-खो विश्व कपमा नेपालका महिला र पुरुष टोलीका कोच र खेलाडीहरूले एकजुट भएर यो उपलब्धि हासिल गरेका हुन्। यो सफलता नेपालका लागि प्रेरणादायक हुनेछ र नेपाली खेलकुदमा नयाँ उचाईहरू स्थापित गर्न मद्दत गर्नेछ।
राष्ट्रिय खेलकुद प्रेमीहरूका लागि यो एक गर्वको क्षण हो, र नेपालका खेलाडीहरूको प्रतिबद्धता र संघर्षले नेपाली खो-खो खेलको भविष्य उज्जवल बनाएको छ।
प्रतिकृया दिनुहोस