सुनसरी, पुस २८ गते। सुनसरीको इनरुवा नगरपालिका-१ स्थित खेल मैदानमा संयुक्तरुपमा भिड नियन्त्रण सम्बन्धी एक प्रभावकारी डेमोस्ट्रेशन कार्यक्रम सम्पन्न भएको छ।

पुस २८ गते जिल्ला प्रशासन कार्यालय सुनसरीका प्रमुख जिल्ला अधिकारी धर्मेन्द्र कुमार मिश्रको अध्यक्षतामा र कोशी प्रदेश प्रहरी प्रमुख प्रहरी नायव महानिरीक्षक राजन अधिकारीको विशिष्ट अतिथ्यतामा आयोजित उक्त कार्यक्रमले समसामयिक सुरक्षा चुनौतीहरूलाई सम्बोधन गर्ने उद्देश्य राखेको थियो।

डेमोस्ट्रेशनमा नेपाली सेना, नेपाल प्रहरी र शसस्त्र प्रहरी बल नेपाल बीचको सुमधुर समन्वय देखियो, जसले विभिन्न प्रकारका भिड व्यवस्थापन र नियन्त्रणका उपायहरूलाई प्रदर्शन गरे।

हुलदंगा, बन्द हड्ताल, तालाबन्दी, आगजनी, तोडफोड, र अवरोधजस्ता घटनाहरूको व्यवस्थापनमा आवश्यक तालिम र तयारीको महत्त्व प्रकट भएको थियो।

कार्यक्रममा जिल्ला सुरक्षा समिति सुनसरीका पदाधिकारीहरू, प्रहरी अधिकारीहरू र कर्मचारीहरू, साथै सञ्चारकर्मीहरूको पनि उपस्थिति रहेको थियो। यस प्रकारका संयुक्त अभ्यासहरूले सुरक्षा बलहरूको समन्वय र प्रतिक्रिया क्षमतामा वृद्धि गर्ने उद्देश्य राख्दछन् र कुनै पनि आकस्मिक परिस्थितिमा सशस्त्र र गैरसशस्त्र बलहरूको सहकार्यको महत्त्वलाई उजागर गर्छन्।

सुनसरी जिल्लामा यस कार्यक्रमको आयोजना हुँदा सुरक्षा बलहरूको एकता र तत्परता बढाउनका लागि महत्त्वपूर्ण योगदान रहेको छ, जसले समुदायमा शान्ति र सुरक्षाको अवस्था सुधार्नेमा मद्दत पुर्याउने अपेक्षा गरिएको छ।