काठमाडाैं । नेपाल सेनाका प्रधान सेनापति महारथी अशोक राज सिग्देल हालै मित्रराष्ट्र भारतको औपचारिक भ्रमणमा रहनुहुन्छ । २०८१ मंसिर २९ गते उहाँ भारतको देहरादुनस्थित Indian Military Academy (IMA) मा तालिमरत नेपाली सेनाका अधिकृत क्याडेटहरुको अन्तिम दलेल कवाजमा प्रमुख अतिथि (Reviewing Officer) को रूपमा सहभागी हुनुभएकाे जानकारी नेपाली सेनाले दिएकाे छ।

अन्तिम दलेल कवाजको निरीक्षण र अवलोकन

प्रधान सेनापति सिग्देलले क्याडेटहरुले प्रदर्शन गरेको अन्तिम दलेल कवाजको निरीक्षण गर्नु भएको थियो। यस अवसरमा उहाँले नवनियुक्त अधिकृतहरुलाई सम्मानका साथ दर्ज्यानी चिन्ह प्रदान गर्नुका साथै उनीहरुसँग अन्तरक्रिया पनि गर्नु भएको थियो। प्रधान सेनापति सिग्देलको उपस्थिति र निरीक्षणले क्याडेटहरुको हौसला र प्रेरणा वृद्धि गरेको बताइएको छ।

Indian Military Academy सँगको सघन सम्बन्ध

नेपाल सेनाले Indian Military Academy मा आफ्नो अधिकृत क्याडेटलाई वि.सं. २०१० सालदेखि नियमित रूपमा तालिममा सहभागी गराउँदै आएको छ। यस अवधिमा, उक्त एकेडेमीबाट दुईसय भन्दा बढी नेपाली सेनाका अधिकृत क्याडेटहरु दीक्षित भइसकेका छन्।

वर्तमानमा, Indian Military Academy मा बाह्र देशका क्याडेटहरु तालिमरत छन्, जसमा नेपाली सेनाका ६ जना अधिकृत क्याडेटहरु पनि समावेश छन्। यो नेपाली सेनाको भारतसँगको सुदृढ सैनिक तालिम र सहयोगको प्रतीक हो।

भारत र नेपाल बीचको सैन्य सहकार्य

प्रधान सेनापति सिग्देलको यो भ्रमण र कार्यक्रमले भारत र नेपाल बीचको सैन्य सहकार्यलाई थप प्रगाढ बनाउने विश्वास व्यक्त गरिएको छ। यस प्रकारका कार्यक्रमहरूले दुई देशको सैन्य बलको आपसी समझ र मित्रता थप प्रगाढ बनाउँछन्।