काठमाडौँ, २० कार्तिक । झापामा छु रा प्र हारबाट एक व्यक्ति गम्भीर घाइते भएका छन् ।
दमक नगरपालिका ६, स्थित नमुना मार्गमा रहेको नमुना सटिङ सुटिङ टेलरमा काम गर्ने दमक नगरपालिका वडा नं. ७ का २७ वर्षीय सोनु अहमद छुरा प्रहारबाट गम्भीर घाइते भएका हुन् ।
सुनसरीको धरान उपमहानगरपालिका वडा नं. ३ का २९ वर्षीय एजात अहमदले सोनुको पेटको बाँया भागमा छु रा प्र हार गरेको प्रहरीले जनाएको छ । घाइते अहमदलाई लाईफलाइन अस्पताल दमकमा सामान्य उपचार पछि बिर्तामोडको बि एन्ड सी अस्पतालमा लगिएको थियो । तर त्यहाँ पनि उपचार सम्भव नभएपछि थप उपचारका लागि धरानको घोपा अस्पतालमा पठाएको बताइएको छ ।
छु रा प्रहार गर्नुको कारण लेनदेनको विवाद भएको खुलेको छ । छु रा प्रहारपछि फरार भएका एजात अहमद प्रदेश नं. १-०२-०४५ प ६३१९ नम्बरको स्कुटरमा भाग्ने क्रममा दमक वडा नं. ६ गणतन्त्र चोकमा अनियन्त्रित भई दुर्घटना परेको थियो ।
दुर्घटनाबाट उनको बाँया खुट्टामा चोट लागेको छ र उनलाई बोल्न सक्ने अवस्थामा निम्स अस्पताल दमकमा प्रहरीले निगरानीमा राखेको छ । घटनाबारे थप अनुसन्धान भइरहेको जिल्ला प्रहरी कार्यालय झापाले जनाएको छ ।
प्रतिकृया दिनुहोस