गण्डकी, २१ फागुनः आज जारी प्रतिनिधिसभा सदस्य निर्वाचनमा गण्डकी प्रदेशमा करिब ४८ प्रशित मत खसेको छ ।
प्रदेशअन्तर्गत ११ जिल्लाका १८ निर्वाचन क्षेत्रमा हालसम्म (३ः४० बजेसम्म) करिब ४८ प्रतिशत मत खसेको प्रदेशका प्रमुख सचिव डण्डुराज घिमिरेले जानकारी दिनुभयो । सबै जिल्लामा उत्साहपूर्ण रूपमा मतदान भइरहेको उहाँले बताउनुुभयो ।
गण्डकी प्रदेशमा कुल १८ लाख ७० हजार ६५ जना मतदाता रहेका छन्, जसमा महिला नौ लाख ५५ हजार ५१६ जना, पुरुष नौ लाख १४ हजार ५३५ जना र अन्य १४ जना रहेका प्रदेश निर्वाचन कार्यालय पोखराले जनाएको छ ।
(तस्बिर : प्रतिनिधिसभा सदस्य निर्वाचनमा बिहीबार तनहुँको व्यास नगरपालिका–१ भादगाउँस्थित जलदेवी माध्यमिक विद्यालय मतदान केन्द्रमा मतदानका लागि पुगेका व्यास–१ मोहोरियाटारका ५८ वर्षीय किरियापुत्री सुब्बा पन्थ । २०८२ फागुन २१ गते बिहीबार नै बुबाको दाहसंस्कार गरी सुब्बाले मतदान गर्नुभएको हो । तस्बिर : मिला दरै/रासस)
