धनगढी । विगतका वर्षहरूमा उल्लासपूर्ण रूपमा मनाइने होली पर्व यस वर्ष भने सुदूरपश्चिम प्रदेशको राजधानी धनगढीमा सुनसान देखिएको छ ।
निर्वाचन सुरक्षालाई मध्यनजर गर्दै प्रशासनले भीडभाडमा रोक लगाएपछि धनगढी बजार क्षेत्र होलीका दिन पनि शान्त बनेको हो । बजार क्षेत्र मात्र होइन, गाउँ–बस्तीमा समेत यस पटक होलीको उत्साह खासै देखिएको छैन ।
बिहानैदेखि सुरक्षाकर्मीको गस्ती बढाइएपछि नागरिकले खुलेर होली खेल्न नसकेको स्थानीयले बताएका छन् । विगतमा तराई क्षेत्रमा फागसहित होली खेल्ने प्रचलन रहे पनि यस वर्ष त्यस्तो दृश्य देख्न नपाइएको धनगढी–राजपुरका मदन रेग्मीले बताए ।
प्रशासनले सुरक्षा संवेदनशीलतालाई ध्यानमा राख्दै शान्तिपूर्ण वातावरण कायम गर्न आग्रह गरेको छ ।
