• शुक्रबार-भदौ-६-२०७६

शिखर बैठक गर्ने ट्रम्पको प्रस्ताव उत्तर कोरियाद्धारा स्वागत


प्योङ्याङ,  अमेरिकी राष्ट्रपति डोनाल्ड ट्रम्पले गरेको प्रस्तावलाई उत्तर कोरियाली प्रथम उप विदेश मन्त्री चोए सोन हुनीले २०७६ असार १४ गते शनिबार स्वागत गरेका छन्  ।


 
हुनीले अर्थपूर्ण र उपलब्धिमूलक हुने भए शिखर बैठक बस्न उत्तर कोरिया तयार रहेको बताए  । 

 

अमेरिकी राष्ट्रपति ट्रम्पले असार १४ गते शनिबार विहान ट्वीट गर्दै दक्षिण कोरिया भ्रमणमा आएका बेला उत्तर कोरियाका नेता किम जोङ अनसँग भेटवार्ता गर्न चाहेको उल्लेख गरेको केही घण्टामै उत्तर कोरियाको यस्तो प्रतिक्रिया आएको हो ।


राष्ट्रपति ट्रम्प असार १४ गते शनिबार बेलुका दुई दिने भ्रमणका लागि दक्षिण कोरियाको राजधानी सोल आउने अपेक्षा गरिएको अधिकारीहरुले बताएका छन् ।


   
राष्ट्रपति ट्रम्प जापानको ओसाकामा भइरहेको जि २० शिखर सम्मेलनमा सहभागी भएर त्यतैबाट दक्षिण कोरिया जान लागेका हुन्। 


 
राष्ट्रपति ट्रम्पले असार १५ गते आइतबार उत्तर कोरियासँगको सीमा क्षेत्रमा पर्ने विभिन्न ठाउँहरुको भ्रमण गर्ने तय भइसकेको जनाइएको छ ।


 
दक्षिण कोरियाका प्रथम उप विदेश मन्त्री चोएले अमेरिकाको तर्फबाट वार्ताका लागि औपचारिक प्रस्ताव भने आइनसकेको स्पष्ट पारे ।  

 

गत बर्ष किम र ट्रम्पबीच दुई ओटा शिखर बैठक भएको थियो । तर बैठकमा भएका सहमति कार्यान्वयन नभएपछि दुवै पक्षले एक अर्कालाई दोषारोपण गर्दै आपसी सम्वन्ध विग्रिएको थियो ।

प्रतिकृया दिनुहोस