काठमाडौं, २२ चैत । दक्षिण कोरियाका राष्ट्रपति युन सुक येओल पदमुक्त भएका छन् । 

संवैधानिक अदालतले युन सुक येओलले गत डिसेम्बरमा मार्शल ल घोषणा गरेर आफ्नो शक्तिको दुरुपयोग गरेको अभियोगमा पदमुक्त गरेको हो । सो अदालतले उनलाई स्थायी रूपमा पदबाट हटाएको फैसला सुनाएको छ ।

राष्ट्रपति यून सुक येओलले डिसेम्बर ३ मा मार्शल ल घोषणा गरे र सेनालाई संसद भवनदेखि अन्य निकायमा नियन्त्रणमा लिन आदेश दिएर देश र विश्वलाई चकित पारेका थिए । तर, जनता, आफ्नो सेना र संसदका सदस्यहरूको प्रतिरोधलाई कम आँकलन गरेका उनले ६ घण्टापछि नै सो अर्डर फिर्ता लिन बाध्य भएका थिए । पछि उनलाइ संसदले महाअभियोग लगाएर निलम्बन गरेको थियो ।

तर, संसदले निलम्बन गरे पनि संबैधानिक अदालतले अन्तिम निर्णय गर्नु पर्ने संबैधानिक ब्यवस्था अनुसार उनी माथि संबैधानिक अदालतमा बहस चलिरहेको थियो । जुन बहस समाप्त भए पछि अदालतले उनी पदमुक्त भएको घोषणा गरेको हो ।