नयाँदिल्ली, २१ चैत । मार्क जुकरबर्गको मेटा कम्पनीको व्हाट्सएपले भारतका ९ मिलियन भन्दा बढी खातामाथि प्रतिबन्ध लगाएको छ ।
व्हाट्सएपका अनुसार फेब्रुअरी २०२५ सम्ममा भारतका ९.७ मिलियन खाता बन्द गरिएका छन् । उसका अनुसार यस निर्णयको कारण दिँदै कम्पनीले भारतमा ह्वाट्सएप प्रयोग गर्ने नियम उल्लङ्घन गर्ने खाता बन्द गरिएको बताएको छ ।
व्हाट्सएपको फेब्रुअरी २०२५ सुरक्षा रिपोर्ट अनुसार कम्पनीले १.४ मिलियन भन्दा बढी खाताहरू प्रतिबन्धित गरिएको छ, जसको बारेमा कुनै पनि प्रयोगकर्ताले उजुरी पनि गरेका छैनन् । भारतमा पनि व्हाट्सएपका ५० मिलियन भन्दा बढी प्रयोगकर्ता छन् ।
एआई संचालित मोडरेसन र उन्नत रिपोर्टिङ उपकरणहरूमा लगानीको कारण भारतमा यी ९.७ मिलियन खाताहरू प्रतिबन्धित गरिएको कम्पनीले जनाएको छ । व्हाट्सएपको तर्फबाट जानकारी दिँदै एक प्रवक्ताले भने कि व्हाट्सएपले धेरै वर्षदेखि लगातार आर्टिफिसियल इन्टेलिजेन्समा काम गरिरहेको छ ।
‘यसका साथ हाम्रा डाटा वैज्ञानिकहरू र विशेषज्ञहरूले हाम्रो प्लेटफर्ममा सबै प्रयोगकर्ताहरूलाई पूर्ण सुरक्षा प्रदान गर्न निरन्तर प्रयास गरिरहेका छन् । ह्वाट्सएपले मानिसको सुरक्षामा खेलवाड गर्ने गलत कामलाई रोक्न यो कदम चालेको हो,’ उनले भने ।
व्हाट्सएपले थप भन्यो कि आईटी नियम २०२१ अनुसार कम्पनीले धेरै जसो खाताहरू विरुद्ध कारबाही गरेको छ, जुन प्रयोगकर्ताहरूले आफैंले रिपोर्ट गरेका थिए । कम्पनीले यो पनि भन्यो कि व्हाट्सएपमा एक स्वचालित पत्ता लगाउने प्रणाली छ, जसले शंकास्पद गतिविधिहरू पत्ता लगाउन सक्छ ।
व्हाट्सएपमा प्राप्त उजुरीहरूमा धेरै जसो केसहरू स्प्यामिंग र थर्ड पार्टी एप्ससँग सम्बन्धित छन् । यस बाहेक मानिसहरुले उनीहरुको अनुमति बिना विभिन्न समूहमा सामेल भएको केही मुद्दा पनि दर्ता गरेको छ । यी सबै उजुरीहरूको छानबिन पछि व्हाट्सएपले यस्ता गलत काम गर्ने खाताहरूलाई प्रतिबन्ध लगाएको हो ।
प्रतिकृया दिनुहोस