काठमाडौं, माघ १४ गते : नेपाल सरकारले आगामी २०८१ माघ १८ गतेदेखि संघीय संसदको हिउँदे अधिवेशनकाे तयारी थालेको छ । यस अधिवेशनमा प्रमुख रूपमा नयाँ कानूनी विधेयकहरूको निर्माण र संसदमा विचाराधीन अन्य मुद्दाहरूलाई पारित गर्ने प्रक्रिया अघि बढाइनेछ।
प्रधानमन्त्री केपी शर्मा ओलीले आज(माघ १४ गाे साँझ) आफ्नाे फेसबुक पेजबाट जानकारी दिँदै, हिउँदे अधिवेशनका लागि सरकार पक्षीय दलहरूको बैठक बसेको कुरा साझा गरे। बैठकमा विधायिका र कार्यपालिका बीचको समन्वय, आवश्यक कानूनी सुधारहरू, र आगामी वर्षको आर्थिक योजनासँग सम्बन्धित विधेयकहरूलाई प्राथमिकतामा राखेर छलफल गरिने सत्ता रूढदलका एक सदस्यले बताए ।
प्रधानमन्त्री ओलीले भने, "हिउँदे अधिवेशनबाट हामीले विभिन्न महत्त्वपूर्ण कानूनी प्रावधानहरू पारित गर्नुपर्ने छ। यसमा जनताको हितका लागि आवश्यक सुधार, संविधानसँग मिल्ने कानूनी ढांचा, र राष्ट्रको समृद्धि सुनिश्चित गर्ने उद्देश्यले काम गरिने छ।"
सरकारले यस अधिवेशनमा नयाँ कानून निर्माण गर्ने योजना बनाएको छ, जसले नेपालको आर्थिक, सामाजिक, र राजनीतिक विकासलाई गति दिन्छ। यसका साथै, संसदमा रहेका अन्य विधेयकहरूको समीक्षा र पारित गर्ने प्रक्रिया पनि प्राथमिकतामा राखिएको छ।
हिउँदे अधिवेशनको तयारी र आगामी विधेयकहरूको बारेमा थप जानकारी सार्वजनिक गर्दै, प्रधानमन्त्री ओलीले जनताको अपेक्षालाई मध्यनजर राखी सरकार कार्यान्वयनमा अग्रसर रहेको बताए। यस अधिवेशनलाई सफल बनाउन सबै दलहरूको सहयोग आवश्यक रहेको उनले जोड दिएका छन्।
यस अधिवेशनमार्फत सरकारको नीति र योजनाबारे संसदमा गहिरो छलफल हुनेछ र आगामी दिनहरूको लागि नेपाललाई थप प्रभावकारी र समृद्ध बनाउने प्रयास गरिने छ।
संसदमा रहेका सत्ताका विपक्षी दलहरूले भने प्रचण्डकाे नेतृत्वमा सदन र सडक दुबैतिर आन्दाेलन गर्ने र २०८१ माघ १८ गते प्रधानमन्त्री केपी शर्मा ओली प्रतिनिधिसभामा गर्ने संवाेधनमा अवराेध पुर्याउँदै राजीनामा माग्ने भएका छन् ।
प्रतिकृया दिनुहोस