काठमाडौं, २७ जनवरी: नेपाल प्रहरीले एक जना व्यक्तिलाई दुई करोडभन्दा बढीको अनलाइन जुवा सट्टाबाजी गर्ने आरोपमा पक्राउ गरेको छ। काठमाडौँ उपत्यका अपराध अनुसन्धान कार्यालयको टोलीले गोप्य सूचनाका आधारमा अनुसन्धान गरी यस अवैध क्रियाकलापमा संलग्न रहेका व्यक्तिहरूलाई नियन्त्रणमा लिएको हो।

पक्राउ परेका व्यक्तिहरूमा रामेछाप खाँडादेवी गाउँपालिका-९ का राज प्रकाश श्रेष्ठ र नुवाकोट जिल्ला विदुर नगरपमलिका १३ का हरिचन्द्र भुजेल रहेका छन्। उनीहरूलाई Betting Application र 'Mantra108' नामक वेबसाइट मार्फत सट्टाबाजी गर्न, रकम संकलन गर्न र क्रिप्टोकरन्सी ट्रेडिङ गर्ने कार्यमा संलग्न रहेका आरोपमा पक्राउ गरिएको हो।

 प्रारम्भिक अनुसन्धानका क्रममा उनीहरूले बैंक खाता र Binance ID प्रयोग गरी रु. २,००,४१,६३६ (दुई करोड एकचालिस हजार छ सय छत्तीस) बराबरको कारोबार गरेको पाइएको छ।

पक्राउ परेकाहरूको शरीर र कोठा खानतलासी गर्दा विभिन्न आपत्तिजनक सामग्रीहरू पनि बरामद भएको छ। प्रहरीले यस मामलेमा थप अनुसन्धान र आवश्यक कानूनी कारवाही अघि बढाएको छ। यस घटनामा संलग्न व्यक्तिहरूलाई मुलुकी अपराध संहिता, २०७४ को दफा १२५ र २६२ (क) १ अनुसार जुवा खेल्न र अभौतिक मुद्राको प्रयोग गर्न निषेध गरिएको छ।

यो घटना अनलाइन जुवा र सट्टाबाजीको बिरुद्धको कडा कदमको रूपमा लिइएको छ, जसले भविष्यमा यस प्रकारको गैरकानूनी गतिविधिहरूमा रोकथाम ल्याउने आशा गरिएको छ।