हैदाराबाद, १९ मंसिर । नागा चैतन्य र शोभिता धुलिपलाको आज अर्थात डिसेम्बर ४ मा विवाह हुँदैछ । 

दम्पतीले प्रतिष्ठित अन्नपूर्ण स्टुडियोमा भव्य तर आत्मीय समारोहमा भाकल आदानप्रदान गर्नेछन् । पछिल्ला केही दिनदेखि नागा र शोभिताको विवाहपूर्व संस्कार भइरहेका छन्, जसका तस्बिरहरू पनि सामाजिक सञ्जालमा भाइरल भइरहेका छन् ।

अन्ततः बिहेको दिन पनि आयो । यससँगै नागा र शोभिताको विवाह समारोहमा सहभागी हुने पाहुनाको सूची पनि आएको छ । यो जोडीलाई आशीर्वाद दिन कुन–कुन सेलिब्रेटीहरू आउनेछन्, जानौं ः 

नागा र शोभिताको हाई प्रोफाइल बिहेमा पुष्पा २ स्टार अल्लु अर्जुन परिवारसहित सहभागी हुनेछन् । अतिथि सूचीमा एनटीआरसँगै चिरञ्जीवी, रामचरण र उपासना, महेश र नम्रता, प्रभास, एसएस राजामौली, पीवी सिन्धु, नयनथारा, अक्किनेनी परिवार र दग्गुबती परिवार पनि समावेश हुनेछन् ।

नागा र शोभिताको विवाह नागा चैतन्यको पारिवारिक सम्पदासँग गहिरो सम्बन्ध रहेको अन्नपूर्ण स्टुडियोमा हुनेछ । उनका हजुरबुवा अक्किनेनी नागेश्वर राव द्वारा १९७६ मा स्थापना गरिएको बंजारा हिल्समा रहेको यो २२ एकर जग्गा लामो समयदेखि सिनेमाई प्रतिभा र पारिवारिक गौरवको प्रतीक मानिन्छ ।

हामी तपाईलाई बताउछौं कि शोभिताले हालै आफ्नो पेल्ली कुथुरु समारोह अर्थात् परम्परागत ब्राइडल शावर मनाएकी थिइन् । अभिनेत्रीले सामाजिक सञ्जालमा आफ्ना मनमोहक तस्विरहरु पनि शेयर गरेकी छिन् । न्यूज १८ को रिपोर्ट अनुसार यस समारोहमा उपस्थित एक स्रोतले भन्यो, ‘शोभिताको विवाह उत्सव पेल्ली राता समारोहबाट सुरु भयो, जुन सामान्यतया केटी बेहुली हुनु अघि गरिन्छ । त्यसपछि उनीहरूले मंगलासनम अनुष्ठान गरे, जुन हल्दीको तेलुगु संस्करण हो । त्यसपछि पेल्ली कुथुरु समारोह आयोजना गरियो। कार्यक्रममा शोभिता रातो साडीमा दुलहीको जस्तै सजिएकी थिइन् ।’ कार्यक्रममा शोभिताको आरती गरिएको थियो र उनलाई घरका विवाहित महिलाहरूले आशीर्वाद दिएका थिए । पछि नागा चैतन्य र उनको परिवार पनि खाजामा सामेल भ ए।

नागा चैतन्यको यो दोस्रो विवाह हुनेछ । उनले यसअघि अभिनेत्री सामन्था रुथ प्रभुसँग विवाह गरेका थिए । लामो समयसम्म सम्बन्धमा रहेपछि उनीहरुले अक्टोबर २०१७ मा विवाह गरेका थिए । यद्यपि दम्पतीले व्यक्तिगत मतभेदलाई उद्धृत गर्दै अक्टोबर २०२१ मा छुट्टिएको घोषणा गरे र २०२२ मा सम्बन्धविच्छेदको लागि दायर गरेका थिए । त्यसपछि नागा चैतन्य एकल जीवन बाँचिरहेका थिए ।